Video
Read full review
2016-07-31
6179 views
到盛八一般都係食燒肉放題，之後發現同一集團竟有火鍋放題，仲要係食日本飛驒和牛，真係不得之了!梗係要約埋大食又識食既朋友一齊去。盛八火鍋位於旺角女人街內，入口有小小難搵，見到玻璃電梯個幢新大廈就係。 上到去地方好大，有細房，有大房，仲有面壁既二人檯，雖然有d怪, 都算幾溫馨既。放題有幾個價錢選擇, 極上和牛放題每位收費係$378, 呢個價錢平時都係買到一細塊和牛牛扒黎煎, 反而呢道係任食和牛, 當然要豪一次!用蔬菜黎做打邊爐既湯底係好正常既事, 但以香橙做湯底又真係未試過! 店長推薦加上期間限定，而且加$18就有鴛鴦湯底, 一於黎個香橙南瓜鴛鴦湯, 放縱又健康既火鍋夜!放題限時90分鐘, 揀好湯底就出去擰配料同醬油, 一般火鍋放題都係任食火鍋配料同麵食, 呢度竟然連刺身, 甜品, 雪糕同飲品都係任飲任食, 十足酒店buffet一樣, 簡直係叫人失控!等湯底滾起既時候, 梗係食住碟三文魚刺生, 厚切份量多, 當做前菜都唔錯, 都算合格。除左刺生，另外仲有熟食，擰左雞翼同雞軟骨串，雞翼幾惹味，可以再encore!牛肉雪花分佈平均, 呈網狀型, 因為切得薄, 落鍋滾兩下就食得, 入口軟綿綿,
盛八火鍋位於旺角女人街內，入口有小小難搵，見到玻璃電梯個幢新大廈就係。 上到去地方好大，有細房，有大房，仲有面壁既二人檯，雖然有d怪, 都算幾溫馨既。
放題有幾個價錢選擇, 極上和牛放題每位收費係$378, 呢個價錢平時都係買到一細塊和牛牛扒黎煎, 反而呢道係任食和牛, 當然要豪一次!用蔬菜黎做打邊爐既湯底係好正常既事, 但以香橙做湯底又真係未試過! 店長推薦加上期間限定，而且加$18就有鴛鴦湯底, 一於黎個香橙南瓜鴛鴦湯, 放縱又健康既火鍋夜!
放題限時90分鐘, 揀好湯底就出去擰配料同醬油, 一般火鍋放題都係任食火鍋配料同麵食, 呢度竟然連刺身, 甜品, 雪糕同飲品都係任飲任食, 十足酒店buffet一樣, 簡直係叫人失控!
等湯底滾起既時候, 梗係食住碟三文魚刺生, 厚切份量多, 當做前菜都唔錯, 都算合格。
除左刺生，另外仲有熟食，擰左雞翼同雞軟骨串，雞翼幾惹味，可以再encore!
牛肉雪花分佈平均, 呈網狀型, 因為切得薄, 落鍋滾兩下就食得, 入口軟綿綿, 幾乎即溶, 果然係靚牛。 雖然再黎既第二,三碟既牛肉明顯無咁靚, 但係肉質都唔差。 因為切得薄, 加上係放題, 所以成“住”牛肉夾落去滾, 會更加盡慶同滿足。 牛肉同香甜既南瓜湯底就最夾, 再點埋芝麻醬, 好唔錯!
雞肉同南瓜湯底都幾夾, 肉質都幾彈牙同嫩滑, 雖然唔錯, 食完一碟都係留肚食和牛!豚肉個賣相無和牛咁靚仔, 相比之下就較為一般, 都係專注係牛肉上會開心d! 不過豚肉同橙汁湯底又幾夾。
食得肉多都要食下蔬菜, 其中娃娃菜同粟米既質素都幾好, 尤其用南瓜湯底滾完後, 都幾清甜。
最後食埋甜品，時間就岩岩好，最好味係杯木糠布甸。
其實叫2,3碟和牛已經回本, 仲要有埋甜品雪糕食, 都算是係幾抵食。 而且早食鳥7點前埋單仲有75折, 更加抵!Post
