青葉日本料理 (Closed)

話說某位莊員生日，我地陪佢去青葉食放題慶祝生日。放題餐廳通常都因為成本問題而提供劣質刺身比人食，但係呢間餐廳完全出乎我意料之外，雖然只係比左$220蚊，但係食到極高質素既刺身，非常抵食！無論係三文魚、油甘魚、甜蝦、劍魚、北寄貝、帶子，都非常之新鮮，啖啖魚腩，食到我地鬼死咁滋味。特別係三文魚同甜蝦，可謂入口即融。另外，除左刺身外，青葉都比我地任點唔同既食物，例如燒物（牛舌、羊架）同天婦羅，種類繁多。最後，青葉仲送免費雪米滋比我地食，非常貼心！