Cafe Paradise (Closed)

近幾年香港, 大陸, 台灣都開始出現文青風, 周圍都主打書卷味, 優雅風格, 當然少不了文青style既餐廳啦!!今日同女朋友慶祝紀念日, 就揀左間幾文青既cafe撐檯腳=p呢間cafe係太子有２間分店，本來想去近地鐵站果間，但係去到已經滿座勁多人，最後去左離地鐵站遠少少果間，其實都只係行多２條街。辣辣芝麻雞翼 - 身為雞翼控既我見到緊係要即點啦！好香口，乾身，唔厚粉，係我鐘意既炸雞翼味！煙三文魚忌廉湯 -  材料幾足, 不過唔知係咪因為我地掛住影相既關係, 個湯有少少凍, 不過味道尚可。 美國頂級肉眼牛扒配燒汁 - 牛扒揀左7成，薄成但大塊，肉質唔錯，值得讚係個薯蓉幾出色。白汁香菇雞柳天使麵 - 食左咁多肉緊要要配返d pasta 啦！好耐無食過天使麵，幼身但幾彈牙。