Video
Read full review
2023-05-13
62 views
相約細妹東港城晚餐，之前經過門口望到甜品menu好吸引，已經話想嚟試，今日終於試到。「Ocio」係文青feel 嘅cafe，簡約日式木系裝修，淺木色餐枱櫈，一格格木框玻璃窗，環境光猛配上綠色植物佈置，充滿清新嘅感覺。知道「Ocio」啲甜品好出色，本來都想主力食甜品當正餐，但見到晚餐都好吸引，所以叫咗一份set dinner share食。甜品menu款式好多，花多眼亂，樣樣都想試。ღ奧斯晚餐時段⊛ 𝗖𝗿𝗲𝗮𝗺𝘆 𝗴𝗮𝗿𝗹𝗶𝗰 𝗰𝗵𝗶𝗰𝗸𝗲𝗻 𝗮𝗻𝗱 𝘀𝗽𝗶𝗻𝗮𝗰𝗵 𝗽𝗮𝗽𝗽𝗮𝗿𝗱𝗲𝗹𝗹𝗲蒜香雞肉菠菜忌廉手工闊麵 $128忌廉汁香濃夠晒creamy，好鍾意加埋菠菜一齊食，覺得好夾，入口更滑。雞肉煎得香，而且份量都好多，啖啖都有雞肉，幾乎食晒啲麵時仲有雞肉淨喺度。手工闊麵煙靭彈牙，食到蛋香，掛汁力強。⊙凍檸檬茶 ⊙南瓜忌廉湯飲到香甜濃郁嘅南瓜味道，加埋忌廉口感濃厚綿滑。隨餐已跟餐湯同餐飲，仲有六款小食可以加配，都好抵食。ღ奧斯雪山系列⊛ 𝗙𝗿𝗲𝘀𝗵𝗹𝘆 𝗺𝗮𝗱𝗲 𝘄𝗮𝗳𝗳𝗹𝗲 𝗵𝗼𝗻𝗲𝘆𝗱𝗲𝘄 𝗺𝗲𝗹𝗼𝗻奧斯蜜瓜雪山熱香餅 $108一上枱十分有睇頭，半隻蜜瓜當碗上，再放熱香餅加雲呢拿雪糕，
知道「Ocio」啲甜品好出色，本來都想主力食甜品當正餐，但見到晚餐都好吸引，所以叫咗一份set dinner share食。甜品menu款式好多，花多眼亂，樣樣都想試。
蒜香雞肉菠菜忌廉手工闊麵
42 views
0 likes
0 comments
ღ奧斯晚餐時段
⊛ 𝗖𝗿𝗲𝗮𝗺𝘆 𝗴𝗮𝗿𝗹𝗶𝗰 𝗰𝗵𝗶𝗰𝗸𝗲𝗻 𝗮𝗻𝗱 𝘀𝗽𝗶𝗻𝗮𝗰𝗵 𝗽𝗮𝗽𝗽𝗮𝗿𝗱𝗲𝗹𝗹𝗲
蒜香雞肉菠菜忌廉手工闊麵 $128
忌廉汁香濃夠晒creamy，好鍾意加埋菠菜一齊食，覺得好夾，入口更滑。雞肉煎得香，而且份量都好多，啖啖都有雞肉，幾乎食晒啲麵時仲有雞肉淨喺度。手工闊麵煙靭彈牙，食到蛋香，掛汁力強。
凍檸檬茶、南瓜忌廉湯
16 views
0 likes
0 comments
⊙凍檸檬茶
⊙南瓜忌廉湯
飲到香甜濃郁嘅南瓜味道，加埋忌廉口感濃厚綿滑。隨餐已跟餐湯同餐飲，仲有六款小食可以加配，都好抵食。
奧斯蜜瓜雪山熱香餅
47 views
0 likes
0 comments
ღ奧斯雪山系列
⊛ 𝗙𝗿𝗲𝘀𝗵𝗹𝘆 𝗺𝗮𝗱𝗲 𝘄𝗮𝗳𝗳𝗹𝗲 𝗵𝗼𝗻𝗲𝘆𝗱𝗲𝘄 𝗺𝗲𝗹𝗼𝗻
奧斯蜜瓜雪山熱香餅 $108
一上枱十分有睇頭，半隻蜜瓜當碗上，再放熱香餅加雲呢拿雪糕，加埋早餐食嘅蜜糖星星，配搭新鮮，一定係相機食先。熱香餅入口充滿空氣感，滿滿蛋香，加埋雪糕同蜜糖星星一齊食，又鬆軟又冰凍又脆又甜，口味層次豐富。
食完上半部份，會發現蜜瓜內有乾坤，放滿綠色大大粒嘅蜜瓜啫喱，入口質地滑嘟嘟。餐廳選用日本蜜瓜，夠熟又清甜多汁，最後都食晒啲蜜瓜肉，份量十足，食到好full。
鑊仔伯爵茶雪山熱香餅
25 views
0 likes
0 comments
鑊仔伯爵茶雪山熱香餅 $89
賣相可愛，鑊仔放住伯爵茶醬、棉花糖同杏仁片。伯爵茶味香濃，特別在於隻鑊仔係熱辣辣，睇住熱力將棉花糖溶化，慢慢融入醬中。
兩層熱香餅口感綿綿，一匙羹𢳂到落底，由頂層冰凍雲呢拿雪糕，到溫熱嘅熱香餅，再到熱辣辣嘅伯爵茶醬，入口一凍一熱好過癮。當大家瘋狂𢳂嚟食時，雪糕球就會好容易跌咗落隻鑊仔度，溶得好快，我哋好快手𢳂返起佢，食得愉快又滿足。
#Ocio 地墟：將軍澳重華路8號東港城2樓238號舖
Post
