Niksen Koffie (Closed)

最近我地去到黃埔搵食，見到呢間cafe好大空間感十足，裝修走文青藝術風，以大地色同粉色作主調，仲有唔少打卡位，好岩同一班朋友黎打卡聚下~餐廳鄰近黃埔地鐵站，主打西餐，我地先點咗"香煎刺身帶子明太子忌廉汁意粉"，帶子幾大隻，煎到略帶金黃色好香，再加上明太子忌廉汁嘅鮮味，意粉煮到岩岩好，口感彈牙，每啖都有明太子醬汁，味道唔錯!😋另外點咗"原隻龍蝦香蒜忌廉汁意大利飯"，面頭用咗原隻細龍蝦肉，鮮甜彈牙，同香蒜忌廉汁混合味道獨特，如意大利飯更有咬口就更好~小食點咗"日式和風章魚燒薄餅"，細細件好似迷你嘅薄餅，以章魚餡料，再配上日式和風醬汁，幾有日式風味~最後點咗2款拿破崙芭菲，甜品好有驚喜，"士多啤梨拿破崙抹茶芭菲"同 "香印提子拿破崙芭菲"，拿破崙好出色，一咬落去好香脆，士多啤梨幾新鮮香甜，加上淡淡抹茶香，味道豐富!P.S: 只要係餐廳內拍照，上傳到社交平台，即可獲得餐廳指定口味芭菲 ($98) 一份，所以我地都食晒2款XD🔸香煎刺身帶子明太子忌廉汁意粉 ($148)🔹原隻龍蝦香蒜忌廉汁意大利飯 ($208)🔸日式和風章魚燒薄餅 ($98)🔹士多啤梨拿破崙抹茶芭菲 ($98)🔸香印提子拿破崙芭