荳子 (海壩街) (Closed)

平時經過啲間餐廳，都好多年輕人排隊，阿仔今日生日，放學之後話想食呢間，所以今日一於就試下哩間。因為外邊路面維修，所以外在環境一般，而內在環境方面，空間寬敞，坐得舒適。我們點了三份午餐，煙燻雞胸香茹藜麥意大利飯，飯粒煙韌有口感，雞肉軟淋且帶濃香的煙熏味，味道超正，但份量就略嫌太少，對男仔嚟講就不太夠。手撕豬仔骨漢堡(焦糖洋蔥,太陽蛋,薯條)，漢堡內的豬仔骨肉因為手撕的關係，所以很有口感，再加入太陽蛋同番茄片令整個漢堡，有更豐富的層次感，好正。千島醬蟹棒蟹子帆立貝薄餅，加入大量的千島醬和芝士，焗起後再加上一堆堆的蟹子。咬落蟹子卜卜脆的口感很有趣，味道也出奇地夾。車打芝士薯條，車打芝士雖然味道不夠濃郁，但薯條就很香脆，所以整體上還可以。 總括來說，味道唔錯，價錢合理。