ZERO (Closed)

Item: ZERO
Rating: 2
Author: 奧志雷

3.5

190 Reviews

Taste

Decor

Service

Hygiene

Value

8446

Mong Kok

$101-200

Italian Western Seafood Pizza

奧志雷

Level4

2.1K

Read full review

出城媽屐亭 Downtown marketing。突然相約全仔班出城飲返杯嘆返餐，真係十年難得一見，要好好珍惜，就應要出席吧！隊酒前搵間餐廳嘆個晚飯打打底，膽粗粗首次到訪郎豪坊斯路。我再次最先到步，叫杯啤酒邊等邊飲邊睇菜牌。翻弄各菜牌幾回，菜色不是太多，都有幾款較特別，似乎主打自選薄餅喎。

All day beer Breakfast time！階磚格仔檯，藏晒漬係條坑度，濕左仲鬼死咁跣，就算唔係條坑，檯面有餅漬有汁漬乾晒黐實晒，好彩有帶濕紙巾。階磚枱面想起荔園掉香口膠遊戲，十分有童年回憶。

麒麟生啤，我首選日本啤，麒麟行第一，次選朝日，繼而札幌。飲落涼浸浸，估不到砂冰泡沫，不喜歡這卓頭東西，給我基本便可以。Premium 生啤，冰凍鮮味酒味重。

木魚花八爪魚大根沙律及子薑配柚子汁，柚子汁另上，喜歡多少、喜歡多酸適隨尊便，用石鍋盆著太重喇麻。蔬菜新鮮度不錯，淋上大量酸咪咪的柚子汁真的開胃，必定要食多幾注，請問子薑於在那啊？半透明圓圓的不是帶子嗎？味道及質感都似十足，真身為大根，估您唔到！大大注沙律菜捲著咸香嚥韌八爪魚齊齊食，格外美味可口。

咸蛋大蝦意大利飯，最初放下時我還以為是炒蛋，上錯菜嗎？消失的大蝦在那啊？已剁成蓉混到飯中？濕得過份有點塌，塌成一劈的感覺完全不討好。稀稀的汁液，淡淡然咸蛋黃味道，單調至極食不到其他味道，水汪汪浸著全熟意大利米，整體似滑蛋燴飯。

肉骨茶鴨腿絲意粉，外觀加氣味十足十台灣牛肉麵，未食都知道效果如何。跟罐頭紅燒鴨肉同出一轍，乾絲霉肉起渣。沒有味道的扁意粉浸在淡口豉油水中，捲起鴨肉全力隊入口中，我真的不知道食緊什麼！

燒豬肋骨配脆薯條，第一道菜沙律質素不錯，緊隨就是炸薯條。幼幼微暖外脆內軟無燶無乾，沾上大量茄汁無可能難食既。經典中的經典到底那日燒的？肉質變得霉腍散碎乾爭爭，柴皮沒肉汁，內裡味道陰沉死實，就算表面塗上新醬汁亦於事無補，只是金玉其外罷了！

烤肉眼扒 5 成熟，立即剖開中間檢查一下，發玥差不多 9 成熟，不過見到仍然鮮嫩滴出肉汁。不想浪費食物，不想浪費時間就不換了，直接解決照食可也。先溫柔地將香草牛油平均塗滿肉眼扒上，隨即起動﹗大大舊狠狠地塞到嘴仔去，濕潤有肉汁蠻滿意，結實有嚼勁，給多一點牙力。微弱的牛肉味，欠佳的牛甜味，滾滿茄汁舒服好味許多。

墨西哥辣椒蜜餞汁雞翼，何解幾道菜所寫的配料我都找不著呢？莫非是份子料理嗎？是不是在雞翼面點點黑色物體就是墨西哥辣椒？有落辣椒？食落一丁點辣也沒有，炸粉硬掘掘刮晒口，吸收蜜糖後變得嚥韌黐牙，到底想點呢？咬走吐掉淨食雞翼舒服得多，內裡白肉咸咸滑滑，完。

青木瓜沙律，依道青木瓜沙律既造型及擺盤非常獨特狂野有個性！發射式凌亂美。木瓜絲脆口，車厘茄清甜多汁，撈上透明酸汁，醒神開胃，是否泰式嗅水呢？蜜瓜巴馬火腿，黑麥核桃包搽芝士醬不過不失，火腿當然捲著蜜瓜嘆，火腿可以再濃再咸一點，那麼跟勁甜蜜瓜反差效果更顯著。

黑松露海蝦意大利飯，飯粒嚥韌，不硬脆不太生為大眾接受，食得到陣陣黑松露香氣。爽咸白蝦仔，多多汁夾雜菜豆全部塞入，不錯的選擇。拿破崙意大利粉，充滿學生時代回憶，還原度超高，味道亦幾乎一模一樣，會否整包濕意粉連拿破崙醬都係現成外購呢？茄味濃郁帶肉甜，嚥韌乾身幼意粉，還有香腸及火腿點綴點綴，精美和味。

煙三文魚他他，先原味再唧鮮檸汁。極多爽脆生洋蔥粒，咸香煙燻三文魚粒嚥嚥韌韌搭清爽毛豆，竟然食到有一絲可怕的芫茜味。用炸紫菜米餅盛著齊齊趙，別具特色更過癮更香口，有驚喜的味道及演繹。

阿多博香辣雞絲炒意，豉油皇韮菜雞絲炒麵？有刁草有蘆筍，點解食到芫茜味既？超勁多炸蒜蓉及蒜片黐晒牙，食完滿口蒜頭味久久不散，還混入乾蔥頭及紅椒，全部食晒發現碟底油淋淋反晒光照到鏡啊！勁多雞絲無欺場，甜醬油像極瑞士汁，嫩滑彈牙的扁意粉，濃濃醬汁夾雞絲蘆筍蒜片炸蒜蔥頭紅椒大啖啜。混入大量辣椒仔汁惹味酸辣更醒神！已經灌入兩杯熱茶加一罐可樂仍然於事無補，頸渴得像沙漠。兩點食完到八點依然非常口渴，太誇張喇麻！

熱齋啡，如果可以更濃帶油脂會好飲很多，感覺有點水。意大利雪糕 Gelato，有出綠茶味？平實無特別，綠茶雪糕一球。