Video
Read full review
2011-01-23
80 views
佛有綠，一個古舊嘅名字，一間新一代素食館提起佛有綠，如果超過六十歲嘅香港人可能會記得以前有間素食館叫佛有綠，但係已經結業多年。筆者只是兒時在大人口中聽過從未去過，但名字深深烙入我嘅腦中。不過約十年前，在灣仔舊京都戲院對出嘅巴路士街忽然出現相同嘅名字，入去試試，味道唔錯，價錢合理，由一位中年修行人主理，花款雖然唔係十分多，但勝在真材實料。有小食又有套飯，小炒都有，可以話五臟俱全。可惜係租金飛漲，對於向來難以生存嘅素食館嚟講可以係至命打擊。館子只好搬到樓上舖繼續經營，展轉搬過幾次，好在當日有留下電話號碼，否則收唔到佢哋嘅短訊，咁就失去一間咁有心嘅素食館。如今搬到灣仔軒尼詩道，地點非常方便，只可惜樓下門口唔太明顯，希望各位有心嘅朋友可以有緣搵到。早前因為公司搬離港島所以同佢寬別咗好一段時間，上星期再收到短訊，得知又再搬新舖，所以心思思又再去幫襯。館子現今係一個小單位，面向軒尼詩道尚算光猛開揚，由於面積關係，只可以放大約四張八至十人檯。由於健康關係，女主廚在地舖後期已讓位俾佢個仔，而新一代齋叉燒就係嗰時研究出嚟，今次重臨當然唔會放過啦。叫咗一個叉燒飯，只不過係$37.00，牆邊有個大飯煲有一個
提起佛有綠，如果超過六十歲嘅香港人可能會記得以前有間素食館叫佛有綠，但係已經結業多年。筆者只是兒時在大人口中聽過從未去過，但名字深深烙入我嘅腦中。
不過約十年前，在灣仔舊京都戲院對出嘅巴路士街忽然出現相同嘅名字，入去試試，味道唔錯，價錢合理，由一位中年修行人主理，花款雖然唔係十分多，但勝在真材實料。有小食又有套飯，小炒都有，可以話五臟俱全。可惜係租金飛漲，對於向來難以生存嘅素食館嚟講可以係至命打擊。館子只好搬到樓上舖繼續經營，展轉搬過幾次，好在當日有留下電話號碼，否則收唔到佢哋嘅短訊，咁就失去一間咁有心嘅素食館。
如今搬到灣仔軒尼詩道，地點非常方便，只可惜樓下門口唔太明顯，希望各位有心嘅朋友可以有緣搵到。
早前因為公司搬離港島所以同佢寬別咗好一段時間，上星期再收到短訊，得知又再搬新舖，所以心思思又再去幫襯。
館子現今係一個小單位，面向軒尼詩道尚算光猛開揚，由於面積關係，只可以放大約四張八至十人檯。
由於健康關係，女主廚在地舖後期已讓位俾佢個仔，而新一代齋叉燒就係嗰時研究出嚟，今次重臨當然唔會放過啦。
叫咗一個叉燒飯，只不過係$37.00，牆邊有個大飯煲有一個大湯桶，只要幫襯叫菜有$35.00食同湯都任飲任食，真係抵！
叉燒未到，先飲碗湯，齋湯潤厚，濃淡適宜，入口有種幸福嘅感覺。叉燒終於都到，去裝飯，大飯煲內係紅米飯，有益健康。
急不及待先試一口叉燒，味道依然強烈，濃濃嘅醬汁包住仍有點脆嘅皮，入面係軟而有咬口嘅「肉」，水準保持得好好，如果加少少生抽吊味，可以話美食一絕。
好耐都冇試過食碗幾飯，飲兩碗湯，今次真係食得非常滿足。
Post