唐記包點 (置富第一城)

Open Now

Now Closed

唐記一向啲點心都有保證，而且比一般酒樓嘅點心更加好食。價錢又非常親民。近期新出咗阿華田系列，阿華田包入面充滿阿華田流心，而且味道唔會太甜，我覺得幾好食，$5真係好抵！另外，叫咗點心：鵪鶉蛋燒賣，而家就算去酒樓都唔係度度有得叫，所以呢一個係懷舊點心。鵪鶉蛋好好食，而且燒賣都幾香，唔錯。另外再叫咗杞子燒賣，另一個風味，啲豬肉唔會好肥，落去豬肉都幾爽口，味道唔錯。叫咗鮮竹卷，鮮竹卷入面咬落去有湯汁，都幾清甜，而且入面都相當之多餡料。我好鍾意食馬拉糕，所以都叫咗一件馬拉糕，入面軟綿綿，好香黃糖味。