Uncle Tetsu's Cheesecake (Closed)

網上得知uncle tetsu又有新口味，點可以唔跑去食，繼年中到台灣食了限定的朱古力味，見香港今次有新口味的抹茶紅豆味芝士蛋糕，不能錯過。4:15pm去到見暫停，立即問問店員，原來有賣的，只是太搶手蛋糕售罄，第二批要60分鐘後出爐，所以我周圍逛逛街等蛋糕出爐。蛋糕出爐後再等一下，接著就是燙上招牌uncle logo樣，立即俾錢買返個。出爐的蛋糕最好是常溫食，常溫可保存3-6小時，之後就要放入雪櫃保存。食法也分四種，我多數是常溫食的。回家蛋糕還有點暖，不過我們決定晚餐後食，剛好可以常溫保存。抹茶紅豆芝士蛋糕 $59分成六份，其實有點不夠喉，食半個也不膩。質感輕盈又很鬆鬆軟軟，內裡不乾保留點濕潤，抹茶味不算很濃，淡淡芝士味，但也有清香抹茶味，加上底部勁多紅豆粒，味道好夾。紅豆偏硬身，但就不會太甜，所以味道很平衡，食完都無負擔。