Video
Read full review
2019-12-26
224 views
同男朋友行街， 平時去到旺角喺朗豪坊食嚟食去都係啲大路嘢，見到 food court 隔離開咗間新嘅日本料理，裝修幾精緻，一於試下新嘢。入到去已經見到牆上嘅鯉魚壁畫， 靚得嚟好有氣派。見到餐牌都好多款唔同嘅食物，淨係決定食咩都諗到頭都大埋， 樣樣都好想試！先叫咗一客新開張限定嘅鮨之福盒， 據餐牌介紹，係師傅用八種新鮮時令食材製作， 我有少少感覺好似食緊一個迷你福盒版嘅Omakase， 由師傅去決定食客食到最新鮮嘅食物， 更加反映到餐廳對食物質素嘅要求。福盒一出場已經嘩嘩聲，因為用咗一條日本鯉魚去做運輸，將食物送到客人嘅枱旁邊，加埋乾冰喺底，令到成個福盒仙氣瀰漫， 一定要打卡！有海膽、蟹鉗、甜蝦、金目鯛、八爪魚、呑拿魚赤身等等， 好呀款都好新鮮尤其是海膽好creamy好鮮甜，金目鯛清甜爽口，好正！跟住要咗個雜錦魚生沙律， 賣相精緻， 魚生粒每粒都好肥美新鮮，配上店家特製嘅沙律醋汁， 令人相當開胃。見到唔少客人都有嗌呢一個蔥吞拿魚薄脆 ， 我都唔執輸試下， 吞拿魚蓉用咗少少蛋黃醬嘅調味， 估唔到食落又幾夾，而且底層嘅薄脆好香口， 好啱送酒。咸牛肉蔥吞拿魚卷、天華蔥吞拿魚腩卷， 兩款卷物嘅賣
入到去已經見到牆上嘅鯉魚壁畫， 靚得嚟好有氣派。
見到餐牌都好多款唔同嘅食物，淨係決定食咩都諗到頭都大埋， 樣樣都好想試！
先叫咗一客新開張限定嘅鮨之福盒， 據餐牌介紹，係師傅用八種新鮮時令食材製作， 我有少少感覺好似食緊一個迷你福盒版嘅Omakase， 由師傅去決定食客食到最新鮮嘅食物， 更加反映到餐廳對食物質素嘅要求。
福盒一出場已經嘩嘩聲，因為用咗一條日本鯉魚去做運輸，將食物送到客人嘅枱旁邊，加埋乾冰喺底，令到成個福盒仙氣瀰漫， 一定要打卡！
有海膽、蟹鉗、甜蝦、金目鯛、八爪魚、呑拿魚赤身等等， 好呀款都好新鮮尤其是海膽好creamy好鮮甜，金目鯛清甜爽口，好正！
跟住要咗個雜錦魚生沙律， 賣相精緻， 魚生粒每粒都好肥美新鮮，配上店家特製嘅沙律醋汁， 令人相當開胃。
見到唔少客人都有嗌呢一個蔥吞拿魚薄脆 ， 我都唔執輸試下， 吞拿魚蓉用咗少少蛋黃醬嘅調味， 估唔到食落又幾夾，而且底層嘅薄脆好香口， 好啱送酒。
咸牛肉蔥吞拿魚卷、天華蔥吞拿魚腩卷， 兩款卷物嘅賣相都好靚， 好唔捨得食呀，咸牛肉蔥吞拿魚卷比較濃味，食落好香口，天華蔥吞拿魚腩卷就比較肥美，兩款一樣咁好味。
唐揚魔鬼魚， 平時都好冇乜機會食到魔鬼魚，估唔到魔鬼魚係咁嫩滑，加埋 軟骨一齊炸， 口感好特別，炸得好香口，而且粉漿好薄， 魚肉味道清甜， 食落好清爽。
兩個人大概食咗六百零蚊， 價錢中上，但味道唔錯，估唔到新餐廳都咁有驚喜。
Post
