Brilliant Cooking (Closed)

今晚約朋友補祝生日，事前見到有2人set都覺得幾抵，但考慮与2個女仔未必食得哂，所以單點再轉一人set1.餐包餐湯包係軟熟嘅質感，幾好食，重點係個湯，竟然係好重蔬菜味，唔係一般嘅紅白湯，感覺好清新，好舒服，2.主菜意粉賣相好靚好吸引，岩哂打卡，喜歡食清新口味嘅好適合，保留到海鮮嘅味道，北寄貝同玻璃蝦新鮮，無額外加好重調味，海蝦就有煎香過，配合有少少菇菌做配料嘅意粉，鮮味😋第二個主菜就係巨大厚切豬肉眼扒配燒菠蘿同薯條，薯條夠粗又脆（粗幼呢d個人喜好），燒菠蘿係新鮮架，好甜好多汁，肉眼扒望落以為有d厚會少少硬，一咬有驚喜，好滑好軟！份量好大，男仔一定夠食！3.特飮造型特別，見到三眼仔好驚喜，唔係我專登request架，真係feel到餐廳用心，抹茶latte唔太甜又香濃，見到已經開心哂店員好主動幫手收碟，亦唔介意幫我地影相非常nice~下次朋友聚會推薦再黎！