我想和你無所事事 (中環街市) (Closed)

活化後既中環街市，有啲似大館同PMQ，有大量食肆、商店進駐，經過見到依間飲品店個名咁特別就想試試佢，唔單至店名特別，佢地每一款飲品都有個玩食字好特別既名😆《娘娘我想做你隻鳳梨草莓觀音冰》（$38） 夏天熱辣辣，所以想飲返杯Fresh d既野飲！依杯沙冰只能少糖，用左草莓同菠蘿果醬，如果再減糖可能就會冇乜水果味，飲落酸酸甜甜，菠蘿既酸中和返草莓醬既甜，味道清新，不過我依然覺得有少許太甜。加入鐵觀音作為茶底再打成沙冰，飲得出茶底，但茶香唔算好濃，係一杯幾開胃又清暑既果茶沙冰，下次想試下佢既香芋拿鐵同芝士奶蓋系列😻