Simplylife Bakery Cafe (Closed)

今日食完LUNCH同同事去行街街，行完街街同事話要買個包明天做早餐，我問佢去邊度買包，佢話要黎呢度買，佢仲話因為上次响呢度買左個包覺得好好食，所以再來這裡買，我聽到佢咁講就梗係同埋佢一齊去睇下有咩包咁吸引啦，入到去一睇，又真係幾吸引喎，我被啲麵包吸引著，連我同事買咩包我都唔知了，搞到我忍唔住都買一個黎試下添，睇來睇去最後揀左個好似樹頭既玉桂卷黎當下午茶都好。到了下午茶時間，打開個包，外型似木頭，有年輪咁，面頭有杏仁，同朱古力面。杏仁好脆好香口又多，朱古力味好濃，朱古力包住個麵包面，令到個外皮都脆脆的，入面麵包好軟腍，好香肉桂味，麵包好似一絲絲咁，一路食一路撕出黎，感覺幾得意，size唔算細，呢個包都幾唔錯，食落都幾飽肚，呢度啲包聽聞都幾出名好食，下次再試過另一啲款先得！