飲茶 (朗豪坊) (Closed)

大人小朋友都好鍾意飲茶，平時經常去酒樓食一啲蝦餃燒賣嘅點心，今日就專登嚟到旺角朗豪坊嘅飲茶食特色點心，有部份點心嘅外貌好精緻，好得意，直頭唔捨得食添。有色蝦餃-平時喺酒樓食嘅蝦餃都有四件，咁當然嚟到依度食會少啲，得兩件，價錢仲要貴少少，性價比比較低，味道同其他酒樓差唔多。一籠八戒同埋睇住流奶嘅外表同樣非常出色，個餡都好好食，我最欣賞睇住流沙，流心奶黃的確好吸引。餐廳嘅點心雖然好精緻，但如果叫我經常嚟到呢度去食就未必，因為價錢屬中上，性價比較低。🙈