樂糖 (Closed)

今日同朋友吹水夜左，緊係食個甜品先番家啦。今日就去左位於將軍澳既樂糖。入到去地方細細，但環境好糖果，好似入左甜點世界咁。第一種食心太軟，一般心太軟都係古古力味，估唔到有新鮮野，黑芝麻豆腐加雪糕。黑芝麻外皮夠脆，又香芝麻味，一切開豆腐花由中間流出黎，豆腐花又香又滑，帶有濃濃的豆味。黑色外皮同白色豆腐花形成強烈對比。霧之花卷配雪糕，其實就係薰衣草香芋卷。薰衣草好香，蛋糕唔乾，最重要中間既Cream又厚又企身，唔會入口就好似流質咁。雪糕就普通貨色。水信玄餅就幾得意，一般出面食好清好透，而佢既就帶點粉色，同有不同既味道，而我們點的是櫻花味，還可以吧。如果要話差既，一定係地點，我唔係地頭蟲，真係會迷路嫁。下次再食過。