Green Common (如心廣場二期) (Closed)

小編同友人又去左食好嘢😂 有時食得太多肉都想清清地食番餐，小編都知，食素係唔代表清同健康，但係見到green common既食物咁吸引，又真係無乜食素既感覺，完全打破左小編對素食既概念。首先，新肌肉能量碗個份量真係好大😯 三塊新餐肉三塊豆腐，個底仲有好多鷹嘴豆，最貼心既唔洗顧客額外要求，沙律醬（aka花生醬）已經係另上，多醬少醬走醬真係個人選擇。小編同友人仲叫左個常餐，新雪菜肉絲米粉跟新餐肉同奶醬多，其實合埋隻眼食，小編會以為係茶記食緊普通既常餐😂 食落真係無乜分別，純粹係米粉既湯底無茶記咁鹹，值得一讚。最後加左個薯條，即炸熱辣辣，配上茄汁真係開胃之選。