聚聚 (Closed)

早幾日買完餸經過見到呢間新開張，食100送100現金券，好吸引於是馬上訂位!入到去比我感覺係裝修非常雅致新派，完全唔似傳統中菜館!長方枱很有西餐廳風格,看了餐牌樣樣都想試，於是便叫了兩人套餐！一坐低先來店員先送上一小杯冰凍椰皇水及一杯熱辣辣嘅玄米茶，冰火交融很爽!跟套餐仲有玫瑰荔枝冷泡茶同白桃烏龍冷泡茶，超香好飲！餐前開胃小食冰鎮荔枝蕃茄，擺設精緻，荔枝的香甜中和咗蕃茄的酸甜，味道唔錯!椰皇燉珍寶花膠～未打開蓋，看似平平無奇的一個椰皇，一開蓋，清香撲鼻，望非常足料，主角花膠又長又厚!有肥大雞腳又有豬瘦肉湯色清澈少油，飲落清、鮮、甜，完全是靚料經長時間燉出嘅精華所在；椰王肉吸收哂湯汁，刮出來吃都係至高享受！紅油伴魚翅餃～雖然只兩隻不多，但擺設精美!魚翅餃內有紅蘿蔔西芹木耳豬肉，食落有蔬菜的爽口，點上紅油同吃，滋味無窮!香草金稻帆立貝～顧名思義即係有米，脆米的香脆加上炸過軟淋的茄子墊底，放上一粒煎到恰到好處的珍寶帆立貝!再淋上秘製日本芥辣沙律醬，口感層次非常之豐富，勁好味!😋霸皇沙巴仔～擺盤非常架勢，大廚刀功細膩，去骨起片，保留頭、尾及兩邊水撥，條沙巴好似曉飛咁，超生動！面頭鋪上三色椒粒、