雲來軒 (Closed)

第一次食雲來軒與外地朋友相聚, 諗住帶佢地食啲地道廣東小菜, 係唔係好似其他食家講得咁好味呢?餐廳裝修少少暗, 唔係好似美X 或者八月X 咁光鮮。晚餐$20一位小食得一小碟魚乾腰果, 五個人都係得一碟, 姐係成$100一碟再加一, 係唔係貴咗些少呢...? 全晚最好食嘅係金磚豆腐! 外脆內軟, 好香口, 一定要襯熱食, 凍咗完全兩回事...醒胃話梅雞, 係用咗兩大粒話梅煮, 不過一開始唔係好勁話梅味 (係冇), 食到最後發現粒話梅"掂"到先食到話梅味。雞一般。碟炒芥蘭用石煱熱住好易燶, 同埋切得超幼身, 唔係好有咬口, 其實唔洗切得咁幼囉... 個人認為龍皇卷不是那麼"鬼馬", 一般蝦膠卷有啲玉米粒, 點解我食唔到有鹹蛋黃嘅?? 睇落同食落都唔多似用油炸鬼包住, 你唔 remind 我係啲咩我會估係貴價蝦餅配甜酸汁... 海鲜兩面黃, 不過不失, 我响其他酒樓食過好味啲嘅...燒鵝入味, 略咸。總括而言, 我覺得物非所值, 我諗佢地個 Lunch set 會抵啲。 下次如果帶朋友食中菜我會選擇其他中菜館。