南越南咖啡廳

Open Now

Now Closed

「NAM VIỆT NAM CAFÉ 」位於旺角彌敦道726號1樓，提供富有特色新派越南菜，食過總會令人愛上，所以今次同朋友再嚟。《順化麻辣鴨血金邊粉 》（$75）除了有鴨血，仲有牛丸、黑椒扎肉、牛腩，加上生菜、芽菜、香葉、辣椒絲及青檸等配菜，十分豐富。金邊粉有些煙靱，不會太淋，加埋濃郁湯底，足料之餘又有齊甜、酸、鮮、辣多種味道，一定要試。《惹火上身鹹檸豬頸肉》（$70）特色菜之一，之所以惹火上身，原來店員將豬頸肉上枱後會點火，營造了一下火光熊熊嘅效果，有興趣更可以拍片打個靚卡，十分過癮。豬頸肉微焦香，加有燒菠蘿伴碟，再備有辣醬和青檸供客人使用。《脆米紙薄餅》（$58）雪白脆米紙上鋪上青瓜絲、甘筍絲、炸蒜片、越式香腸粒，最後加上千鳥醬，爽脆清新夠特別。《火龍芒芒蝦仁配脆蝦片》（$58/3件）入口味道甜甜地，而且凍凍地好清新，有點似食沙律的感覺，非常適合夏天食用。我本人很喜歡呢個菜式。《NVN咖啡骨》（$78）香濃肉骨茶，上面放有一大團棉花糖，另配上一壼越南咖啡。先將咖啡淋在棉花糖上，然後一起溶入肉骨茶內。建議食之前攪拌一下，將肉茶茶、咖啡及甜混和，味道更佳。一道有得玩又有得食嘅特色菜。