新潮樓 (Closed)

終於到星期五😮‍💨最近壓力不少所以同細佬去左九展既「歡樂天地」發洩一下，發洩完就餓到爆燈仲好鬼攰😅見三樓有間新既潮州菜可以慢慢坐慢慢食，咁岩原來佢星期五六日有安排歌手唱下歌，輕輕鬆鬆咁享受左一個夜晚🤗❗️滷水鵝片$168食得潮洲菜無可能不點鵝片吧！份量好足好入味，基本上沾原本既滷水汁已經好好食😋蔥燒魚標滑雞煲$128細佬話好少食到魚標所以一定要點！魚標真係要熱辣辣食，夠爽脆！雞件好似三杯雞味道都幾惹味，仲有配合大量京蔥，好正！鹹菜豬肚湯$128我地諗左好耐到底叫豬肚湯定方魚肉碎粥😂結果都係心儀豬肚多一點🫠豬肚夠冧有咬口份量都偏多既，如果可以再重點胡椒味就完美了！椒鹽鮮魷$108其實係見到隔離枱叫，香噴噴咁喺我面前行過😂忍唔到口呀！新潮小炒王$118我好喜歡叫小炒王😂因為除了有韮菜花外，仲有好多配料又夠惹味，我差不多一個人全清😌香煎蠔仔酪🦪$108好大既蠔肉呀😲成份起碼夠四個人食，今日我地太肚餓就可以K.O佢，一路沾下魚露真係停不了口😆