Video
Read full review
2019-10-05
1242 views
日期：10月3日人數：8人一班同事去team lunch! 之前一日下晝先比較匆忙地訂枱，難得打電話去呢度話有位，咁就即刻訂咗啦。地點就係中環中心旁邊嘅商業大廈樓上2樓，離Office有啲距離，不過都算方便。由於有75分鐘嘅交枱限制，我哋一坐低就即刻點嘢食。一行六男兩女，好多男士食量都唔細，叫咗一堆點心同埋兩碟飯。揀部份食物來點評一下。首先就係乳鴿，偏細隻，炸得金黃色，肉質結實，但冇自動附送淮鹽，感覺差咗少少味道；但係座位度自動擺左一對膠手套，係一個加分嘅服務位。籠仔荷葉飯幾足料，份量亦都唔細。麻辣燒賣入邊嘅餡料係糯米，可惜係除咗麻辣味之外，其他味道欠奉。山竹咁樣嘅係一個好似鹹水角嘅東西，裏面有蝦同埋蟹肉餡料，炸得好香脆。同樣好食既炸物仲有春卷同炸雲吞，新鮮熱辣扑扑脆。炸雲吞入邊仲有好多芝士，新奇得意。煎薺菜餃餡料足夠，煎既時間啱啱好。鮮蝦炒腸粉味道都唔錯，但個人覺得可以放多啲XO醬入去炒，會比較惹味。牛肉陳村粉同墨魚墨汁飯都可以接受。甜品三款，賣相非常得意既豬仔係凍椰汁布甸，見到都唔捨得切開佢黎食，夠甜夠凍夠好食。第二樣係盆栽布甸，而最後係熱情果布丁。呢間餐廳開業左一段時間，但裝修依
人數：8人
一班同事去team lunch! 之前一日下晝先比較匆忙地訂枱，難得打電話去呢度話有位，咁就即刻訂咗啦。地點就係中環中心旁邊嘅商業大廈樓上2樓，離Office有啲距離，不過都算方便。
由於有75分鐘嘅交枱限制，我哋一坐低就即刻點嘢食。一行六男兩女，好多男士食量都唔細，叫咗一堆點心同埋兩碟飯。
揀部份食物來點評一下。
首先就係乳鴿，偏細隻，炸得金黃色，肉質結實，但冇自動附送淮鹽，感覺差咗少少味道；但係座位度自動擺左一對膠手套，係一個加分嘅服務位。
籠仔荷葉飯幾足料，份量亦都唔細。麻辣燒賣入邊嘅餡料係糯米，可惜係除咗麻辣味之外，其他味道欠奉。
山竹咁樣嘅係一個好似鹹水角嘅東西，裏面有蝦同埋蟹肉餡料，炸得好香脆。
同樣好食既炸物仲有春卷同炸雲吞，新鮮熱辣扑扑脆。炸雲吞入邊仲有好多芝士，新奇得意。
煎薺菜餃餡料足夠，煎既時間啱啱好。
鮮蝦炒腸粉味道都唔錯，但個人覺得可以放多啲XO醬入去炒，會比較惹味。
牛肉陳村粉同墨魚墨汁飯都可以接受。
甜品三款，賣相非常得意既豬仔係凍椰汁布甸，見到都唔捨得切開佢黎食，夠甜夠凍夠好食。第二樣係盆栽布甸，而最後係熱情果布丁。
呢間餐廳開業左一段時間，但裝修依然保持良好，我地坐嘅係梳化位，好舒服。服務貼心，經常來加茶。上菜速度都算快。雖然有75分鐘交枱限制，但都冇特別催促我哋。價錢唔平，但尚可接受。
Post
