泛后甜品 (Closed)

呢日難得來到元朗附近吃飯，飯後朋友提議來這裡食甜品，於是一行幾人來幫襯。坐低看看餐牌同牆上的宣傳海報，見有樣第二度不曾見過的甜品，叫做「黑白有滑」，玩食字「黑白誘惑」賣相都唔錯，喜歡試新嘢，對食嘢最有探索精神的我一於試下先。呢個「黑白有滑」盛惠$20，白的是指豆腐布甸，黑的就是指芝麻糊，呢個甜品賣相黑白分明，布甸上面餔上一層食豆腐花常落的黃糖，都幾得意同漂亮。個豆腐布甸豆腐味雖然唔多夠，但都算幾滑溜，芝麻糊算係幾杰身，都算有芝麻味，整個甜品都算係幾有創意嘅。