一家

Open Now

Now Closed

今日係筲箕灣收工，見到有間新開既中菜館，主打上海菜，餐廳大得嚟坐得好舒服，仲有唔少打卡位。除左入嚟坐低食小菜之外，門口亦可以買到手搖飲品。小籠包真係要趁熱食。外皮厚薄適中，皺摺均勻，咬落充滿湯汁同肉既鮮味。香辣炸茄子好好食！茄子切成絲，再拎去炸。食落香脆而且唔辣，仲帶少少酸酸甜甜既口感，相當驚喜既一道小菜！怪味雞本身以為怪味雞會用上原隻既雞肉，誰不知上菜先發現係外皮脆炸過既雞件，炸得好香口之餘，入面既雞肉肉質都好鮮嫩。食到中間仲有唔少青瓜絲，配埋汁食，酸甜有致。熱情嬸嬸(熱情果菠蘿梳打)手搖飲品以茶飲為主，夜晚唔飲茶所以就試下梳打。飲品都真係幾足料，有唔少熱情果籽同切粒菠蘿，甜度控制得剛剛好，值得一試。