Video
Read full review
2023-03-19
214 views
話說佢哋之前喺元朗開咗分店勁開心 因為終於都唔使出到去沙田排呢間米芝蓮推介餐廳 所以專登book咗一日同屋企人試 食之前已經有朋友去排隊食 評價非常不錯 當日食嘅時候全場爆滿 成間餐廳唔算大 但枱與枱之間保留空間感 唔會坐得好迫夾 值得一讚有其中一個員工每當上菜時 都會詳細解釋餸菜做法 好專業 而且仲送上甜品喳咋 令屋企人對呢餐飯非常滿意勾魂叉🐷 ($188/5件)不愧係招牌菜 簡直係色香味俱全 上菜時員工會用火槍將表層燒到焦香脆口 配埋佢地個特製嘅菠蘿汁沾上米粒脆脆 口感非常豐富 酸酸甜甜亦好開胃 平時食開叉燒係細細舊 不過呢個就係金沙骨size 但就啖啖肉 必試 😋沙薑鮮雞🐔 ($248/半隻)員工告知佢地採用本地雞 無加任何激素同使用天然飼料飼養 所以相對無咁多脂肪 但仍然能夠保留雞味 而肉質仲係好嫩滑 即使加左沙薑都唔會蓋過個雞味 不錯👍🏻一口黃金🤩 ($68)原本仲以為係黃金豆腐啲fd 不過原來係炸鹹蛋蘿蔔糕 估唔到呢個組合係可以咁夾 幾有驚喜😻蜑家鴛鴦魷🦑 ($188)呢款係用左新鮮本地魷魚同風乾魷魚一齊炒 同一款食物 但兩種口感 真係幾特別 但完全唔會 值得試👍🏻鹹香三鮮
勾魂叉🐷 ($188/5件)
不愧係招牌菜 簡直係色香味俱全 上菜時員工會用火槍將表層燒到焦香脆口 配埋佢地個特製嘅菠蘿汁沾上米粒脆脆 口感非常豐富 酸酸甜甜亦好開胃 平時食開叉燒係細細舊 不過呢個就係金沙骨size 但就啖啖肉 必試 😋
沙薑鮮雞🐔 ($248/半隻)
員工告知佢地採用本地雞 無加任何激素同使用天然飼料飼養 所以相對無咁多脂肪 但仍然能夠保留雞味 而肉質仲係好嫩滑 即使加左沙薑都唔會蓋過個雞味 不錯👍🏻
一口黃金🤩 ($68)
原本仲以為係黃金豆腐啲fd 不過原來係炸鹹蛋蘿蔔糕 估唔到呢個組合係可以咁夾 幾有驚喜😻
蜑家鴛鴦魷🦑 ($188)
呢款係用左新鮮本地魷魚同風乾魷魚一齊炒 同一款食物 但兩種口感 真係幾特別 但完全唔會 值得試👍🏻
鹹香三鮮牛骨髓煲🐮 ($188)
呢道餸係出面真係未見過 相信呢佢地係用砂鍋煮 可以keep 住個溫度 另外加左蝦醬 鹹香味好啱送飯 小編第一次食 食落似厚身腸粉 幾特別
薑米蒜香籠仔蒸蟹飯🦀 ($368)
店員拎個籠仔出黎嘅時候 其他食客都眼甘甘望住 因為好香同有好大隻肉蟹係面 的確幾吸睛 蟹肉非常鮮甜 小編同屋企人都唔係太好蟹 但都讚不絕口 同埋即使飽到食唔落飯 都忍唔住試幾啖 米粒粒分明 加左薑蒜好香 大推💯
Post
