Video
Read full review
2022-07-08
231 views
開左屯馬線之後，終於可以去輕鬆去到土瓜灣！今次同行3個朋友，去左個新開商場 UPLACE ，原來多左好多新餐廳！揀左間中派中菜 — 聚聚，見個名咁響就一於同朋友聚一聚！見到個餐牌既野食相都幾的骰，樣樣都好吸引！點左前菜 — 冰鎮荔枝蕃茄、紅油魚翅餃、香草金稻帆立貝冰鎮荔枝蕃茄：每粒都又甜又開胃，依家天氣咁熱，凍食一流！紅油魚翅餃子：個紅油汁都較得幾好，辣到適中，朋友都食到！香草金稻帆立貝：成個月光寶盒咁唔洗講咁多，食前打卡先！師傅用左脆米伴個帆立貝，配埋Wasabi Sauce，又脆口又開胃！主菜 — 霸皇沙巴仔、眼前一亮煙燻雞 霸皇沙巴仔：起晒一塊塊魚片，起埋骨，咁既手工都係$168，真心抵食用辣鼓油配鮮花椒，比個讚！眼前一亮煙燻雞：以為係普通鼓油雞，店員推介話師傅用左好多原料將煙燻味加入雞入面，食落又幾惹味，開蓋出晒煙既效果又係吸引眼球之作！！甜品 — 不一樣的梨：糖水甜度恰到好處，一切入面都全部係燕窩店內都多花花草草打卡位，相機食先啱晒見到佢有個打卡牆，原來都幾多星黎過仲可以網上落單，有晒相都幾方便！下次經開土瓜灣，除左食冰室同据扒，都會再考慮呢間！希望下次再同朋友黎，可以多d酒
今次同行3個朋友，去左個新開商場 UPLACE ，原來多左好多新餐廳！
揀左間中派中菜 — 聚聚，見個名咁響就一於同朋友聚一聚！
見到個餐牌既野食相都幾的骰，樣樣都好吸引！
點左前菜 — 冰鎮荔枝蕃茄、紅油魚翅餃、香草金稻帆立貝
冰鎮荔枝蕃茄：每粒都又甜又開胃，依家天氣咁熱，凍食一流！
冰鎮荔枝蕃茄
66 views
0 likes
0 comments
紅油魚翅餃子：個紅油汁都較得幾好，辣到適中，朋友都食到！
紅酒魚翅餃子
53 views
0 likes
0 comments
香草金稻帆立貝：成個月光寶盒咁唔洗講咁多，食前打卡先！師傅用左脆米伴個帆立貝，配埋Wasabi Sauce，又脆口又開胃！
香草金稻帆立貝
70 views
1 likes
0 comments
主菜 — 霸皇沙巴仔、眼前一亮煙燻雞
霸皇沙巴仔：起晒一塊塊魚片，起埋骨，咁既手工都係$168，真心抵食用辣鼓油配鮮花椒，比個讚！
霸皇沙巴仔
84 views
0 likes
0 comments
眼前一亮煙燻雞：以為係普通鼓油雞，店員推介話師傅用左好多原料將煙燻味加入雞入面，食落又幾惹味，開蓋出晒煙既效果又係吸引眼球之作！！
眼前一亮煙燻雞
48 views
0 likes
0 comments
甜品 — 不一樣的梨：糖水甜度恰到好處，一切入面都全部係燕窩
不一樣的梨
46 views
0 likes
0 comments
店內都多花花草草打卡位，相機食先啱晒
見到佢有個打卡牆，原來都幾多星黎過
仲可以網上落單，有晒相都幾方便！
下次經開土瓜灣，除左食冰室同据扒，都會再考慮呢間！
希望下次再同朋友黎，可以多d酒水選擇！
Post
