陳儀興玫瑰餐廳

Open Now

Now Closed

終於都真正感受到凍啦！ 咁凍真係晚晚都可以打邊爐😻陳儀興除左潮州菜館，仲有小菜餐廳，晚市小菜鑊氣夠，火鍋仲好地道，好多款特色湯底！ 今次點驚蔘鐵棍雞湯底$188仲有半隻雞，唐生菜一份。雞件厚切黃油，湯滾後放入雞煮，八分鐘後先飲雞湯食雞。湯料豐富，好多杞子、北芪、蓮子、准山、海參仔，湯頭極鮮甜!肥美鵝腸又長又粗，腸壁既白色脂肪，邪惡得黎滑溜又爽軟。招牌手切肥牛（細）紅潤鮮嫩，切工好冇筋位。灼半分鐘，牛味極濃郁，脂肪比例適中散發陣陣牛油香。配料+$5就可以雙拼魚皮餃拼芥末西芹餃各四粒，西芹餃餡料香，芥末食起味道帶衝擊感。魚皮餃爽滑煙韌，大隻鮮味。彈牙蝦肉卷，彈牙鮮味 蝦肉卷煮熟食，咸蝦味特別明顯，肉彈鮮甜。脆炸響鈴一層層，整卷浸湯兩秒，入口豆香滿溢，掛上熱湯更加有油香雞湯精華。