豐鍋雞煲 (荔枝角道) (Closed)

行開深水埗咁啱見到間新開嘅雞煲即刻入去試下！今日叫咗中辣雞煲，店員細心提醒中辣可能會好刺激！所以我地仲叫咗杯水蜜桃梳打同藍蝶雪梨解解辣！水蜜桃梳打唔會太甜，清新好選擇，藍蝶雪梨好似雪梨茶咁清甜解渴加上碟豆花嘅藍色睇落好少女😍中辣嘅雞煲十分惹味，店員細心為我地烹調，啲雞煮得啱啱好，仲好嫩滑入味！加埋莞茜香味，正正子！唔食得辣嘅朋友建議叫返小辣，因為加咗湯之後會愈煲愈辣！配料方面我地叫咗芝士紫菜炸響鈴，新鮮炸出嚟脆卜卜！就咁食咬落去芝士溶化，入面再包多塊紫菜，口感一流！豬梅肉肥瘦均勻，香味十足！韭菜餃大大隻好扎實，韭菜味香濃！再叫咗個雜菜藍，估佢唔到68蚊咁大個，2個人食都食唔哂！🥬🥬🥬🥬