Video
Read full review
2014-10-22
1622 views
下午剛剛同家人上完山頂行山，諗住兜返架車落去灣仔食下野，之前有試過吟彩呢間餐廳都幾好食，所以今次我地一家三口決定又再幫襯。坐低後見到個蟹餐好似好多野食，因為好餓我地就拿拿臨order左三份蟹餐，等左一陣就上第一道菜，是用柿子裝住啲蟹肉，裏面係加左柿子既沙律，食落好重芝麻味，啲蟹味又幾出，加埋啲魚子醬又甜又咸咁幾過癮幾好食幾得意。之後呢個係蟹肉腐皮，呀爸一擺入口就大叫：「好滑下喎！」咁我又唔執輸試返啖先，點知又真係冇呃人係講真話，個腐皮好香滑，個sauce有啲啲薑味，估佢唔到同蟹係可以咁夾，幾fresh！第三樣係個燒蟹蓋薯蓉，真心覺得呢個係好正，啲蟹肉每一啖都好濃味同好juicy，加埋下面的薯蓉又滑溜，有晒入曬蟹肉的鮮味，好似西式食法，但一啲都唔膩，直頭心心眼曬！接落黎係tempura，一共有四件，有蟹肉腐皮、冬菇蟹肉、海膽蟹鉗同埋南瓜片。件件天婦羅都好乾身鬆脆、唔會太油，最正既係海膽蟹鉗，面頭既海膽好濃郁香甜，人間極品。呢度的天婦羅係逐件上，所以好新鮮熱辣辣。睇返個menu,之後果道應該叫「酢物」。開頭以為係pickles果類野，但黎到個外表似甜品多啲。原來廚師將啲醋整左做凍jelly
坐低後見到個蟹餐好似好多野食，因為好餓我地就拿拿臨order左三份蟹餐，等左一陣就上第一道菜，是用柿子裝住啲蟹肉，裏面係加左柿子既沙律，食落好重芝麻味，啲蟹味又幾出，加埋啲魚子醬又甜又咸咁幾過癮幾好食幾得意。
之後呢個係蟹肉腐皮，呀爸一擺入口就大叫：「好滑下喎！」咁我又唔執輸試返啖先，點知又真係冇呃人係講真話，個腐皮好香滑，個sauce有啲啲薑味，估佢唔到同蟹係可以咁夾，幾fresh！
第三樣係個燒蟹蓋薯蓉，真心覺得呢個係好正，啲蟹肉每一啖都好濃味同好juicy，加埋下面的薯蓉又滑溜，有晒入曬蟹肉的鮮味，好似西式食法，但一啲都唔膩，直頭心心眼曬！
接落黎係tempura，一共有四件，有蟹肉腐皮、冬菇蟹肉、海膽蟹鉗同埋南瓜片。件件天婦羅都好乾身鬆脆、唔會太油，最正既係海膽蟹鉗，面頭既海膽好濃郁香甜，人間極品。呢度的天婦羅係逐件上，所以好新鮮熱辣辣。
睇返個menu,之後果道應該叫「酢物」。開頭以為係pickles果類野，但黎到個外表似甜品多啲。原來廚師將啲醋整左做凍jelly，食落有少許柚子味，令到所有食材都好清新，尤其係啲蟹肉，值得推介。
食到呢度其實已經有飽飽地嘅感覺，但好戲在後頭，之後仲有個蟹鍋。蟹腳份量頗多，好厚身，食落啖啖肉又鮮甜，之後再食埋啲菜，索晒啲湯好好味。到最最後原來連個湯底都唔放過，加白飯同切細的葱再放雞蛋，用黎煮蟹粥，個侍應好好我地話想要啲粥綿啲佢又真係煮到，粥身好甜好滑，食完之後真係好滿足好飽。
最後係甜品，當日口味係sake，酒味唔算好濃，所以我本身唔飲酒都食到，我另外仲食到有牛奶味添。如果可以嘅話我真係想食多一球！
總括黎講我覺得呢個價錢唔算貴但份量好足，而且有好幾味菜例如燒蟹蓋薯蓉、酢物等都係值得介紹俾大家。
Post
