豆乳狂人 (Moved) New Location

有一段時間無去河畔花園嘅豆乳狂人，難得重陽節天氣幾好，就去咗個頭買啲甜食。去到個陣，見到舊店正在拆卸中，心諗唔係執笠呀？原來新店就是開在隔離，相當光猛摩登，同舊店個重家庭式風格好唔同，也不見那位姨姨店員了，取而代之是較後生嘅姐姐店內也有新餐牌，種類比以往多，但沒有炸燒賣則較失望，而且價錢也比以往一成幾至兩成五，例如粢飯就由$20加到$25，抵唔抵食真是見仁見智。店面升級了，包裝也升級了！好像粢飯咁，除了保鮮紙外，再加多一個紙盒載住，其實有啲包裝過度及浪費，但味道較以往好。皇蓋奶蓋豆豆杯改用拉環包裝，飲奶蓋的時候也沒以往咁方便，希望店方可以改善。