新記雞粥 (鴻禧大廈)

Open Now

Now Closed

天氣轉涼好想食番啲熱辣辣嘅食飯，在旺角見有間元朗新記雞粥，除左粥品外，還有小菜，炒粉麵、小食、晚餐同甜品，就入咗去開餐囉☺️。蒜泥汁脆皮豆腐，炸到香脆可口，一啖一個，開胃小食。海鮮粥， 即叫即煲熱辣辣，有半隻蟹、蝦同帶子，新鮮爽口，份量都多啊，粥夠綿滑且鮮甜。例牌金牌貴妃雞，調味恰當，髀位夠滑，點上薑蔥更正。鮮蝦腸，鮮蝦有彈性，腸粉皮薄賣相唔錯, 入口滑榴有米香，點埋豉油同辣油食更好味。豬手雲吞幼麵，豬手煮得軟淋，雲吞有3粒，幼麵爽口亦沒有鹼水味。炸煎堆，即叫即炸熱辣辣，$24有5粒好抵食。