Video
Read full review
2013-01-04
441 views
18-12-2012剛收到傳單, 發現原來開咗間新舖, 於是嗰晚就約埋屋企人一齊去試下.去到坐低, 見啲環境都好清潔, 裝修亦唔錯, 印象都幾好. 之後, 我就揮手示意要落單. 不過佢地好似唔多夠人. 有個亞叔執緊外賣, 有個亞姐落緊單, 有個女仔聽緊電話又要收錢, 另外有個亞姐成日背住我地, 唔知做咩! 之後個亞叔另過嚟見到我地, 就猛話”等等嚟緊”, 於是我地等多陣啦…點知都係冇人得閒. 我老婆見果個成日背住我地嘅亞姐另過嚟, 就揮手示意要落單, 點知個亞姐唔啋佢仲咋聽唔到, 我老婆再大聲叫唔該, 佢先斯斯然行埋嚟. 落單果陣又勁悔氣, 我同我老婆火都嚟. 嘩! 咩態度呀! 勁差囉! 到啲食物嚟到, 首先係啫啫雞煲, 可能個煲唔多夠熱, 所以唔係幾香,但味道都唔錯 (最少好過隔離). 之後碟蝦醬通菜炒肥牛就好香蝦醬味, 而條涼瓜炆倉魚就最抵食, 條倉魚size 有我隻手掌咁大, 炆咗出嚟唔會好乾, 仲有肉汁嘅, 而涼瓜亦做得唔錯, 唔會太生或太稔, 但等候時候就耐到有啲過份. 我地聽到隔離左右都投訴等咗好耐.
去到坐低, 見啲環境都好清潔, 裝修亦唔錯, 印象都幾好. 之後, 我就揮手示意要落單. 不過佢地好似唔多夠人. 有個亞叔執緊外賣, 有個亞姐落緊單, 有個女仔聽緊電話又要收錢, 另外有個亞姐成日背住我地, 唔知做咩! 之後個亞叔另過嚟見到我地, 就猛話”等等嚟緊”, 於是我地等多陣啦…點知都係冇人得閒. 我老婆見果個成日背住我地嘅亞姐另過嚟, 就揮手示意要落單, 點知個亞姐唔啋佢仲咋聽唔到, 我老婆再大聲叫唔該, 佢先斯斯然行埋嚟. 落單果陣又勁悔氣, 我同我老婆火都嚟. 嘩! 咩態度呀! 勁差囉!
到啲食物嚟到, 首先係啫啫雞煲, 可能個煲唔多夠熱, 所以唔係幾香,但味道都唔錯 (最少好過隔離). 之後碟蝦醬通菜炒肥牛就好香蝦醬味, 而條涼瓜炆倉魚就最抵食, 條倉魚size 有我隻手掌咁大, 炆咗出嚟唔會好乾, 仲有肉汁嘅, 而涼瓜亦做得唔錯, 唔會太生或太稔, 但等候時候就耐到有啲過份. 我地聽到隔離左右都投訴等咗好耐.
Other Info. :
我一路寫一路諗, 真係想比個喊評架. 多得個態度勁差嘅亞姐囉 (見佢冇著制服, 應該都係親戚嚟 – 真係鄧個老板可憐, 有啲咁嘅親戚倒佢米). 但好在其他伙計無學到個亞姐啲衰嘢, 亞叔同收銀姐姐 (佢都冇著制服, 疑似太子女) 都笑面迎人, 多謝前多謝後. 咁應該公平啲, 無理由一個亞姐衰影響晒個評級架. 況且呢間餐廳嘅食物品質係唔錯. 算! 大方啲, 比個笑評啦!
:)
(The above review is the personal opinion of a user which does not represent OpenRice's point of view.)
Post