Video
Read full review
2021-11-02
109 views
同朋友黎試新野，新開張的九份飽，位置在屯門時代廣場南翼地下，唔熟路嘅話都有啲難搵㗎，佢你則門旁邊，但呢個門口少啲行啫。三點黎到都仲要等位，十分有人氣呢～前面排左八個人左右，都等左廿分鐘，諗住平日下午無咁多人添。小店不大，約25個位，繁忙時段都要撘枱的。店內掛滿紅燈籠，燈光呈現紅紅的顏色，相機不夠強大，影出來嘅食物都好紅…餐紙放在門口位置，可以一邊排隊一邊填好選擇。小食同飲品好多得揀呢，好多野都想食唔知揀咩好添。先來飲品，點了伯爵紅茶（左）＆Oreo巧克力奶茶（右），自己杯紅茶要了無糖的，茶味好濃但無伯爵茶的香味，老實說有點失望嘅，當佢普通紅茶咁飲就幾好。朋友杯oreo要左半糖，呢個甜度我覺得啱啱好，朱古力味幾滑，oreo碎落得好多，如果有粗飲管會更好，幼管吸唔到啲oreo碎，要用羹，但呢杯真係好好飲。新張期內特價的九份芋圓，消費滿三十蚊就可以用十蚊叫一碗啦～抵～入面有豆花，仙草，芋圓，珍珠同紅豆，十蚊黎講真係好抵食。主食方面叫左香酥排骨米粉，即叫即炸香噴噴㗎。排骨好鬆脆，咬落有陣九層塔味，好特別的調味，因為有脂肪位，炸起上黎超甘香，正喎。米粉～配料有滷蛋同菜心，有條菜唔錯呀，感覺健康啲
三點黎到都仲要等位，十分有人氣呢～前面排左八個人左右，都等左廿分鐘，諗住平日下午無咁多人添。
小店不大，約25個位，繁忙時段都要撘枱的。店內掛滿紅燈籠，燈光呈現紅紅的顏色，相機不夠強大，影出來嘅食物都好紅…
餐紙放在門口位置，可以一邊排隊一邊填好選擇。小食同飲品好多得揀呢，好多野都想食唔知揀咩好添。
先來飲品，點了伯爵紅茶（左）＆Oreo巧克力奶茶（右），自己杯紅茶要了無糖的，茶味好濃但無伯爵茶的香味，老實說有點失望嘅，當佢普通紅茶咁飲就幾好。朋友杯oreo要左半糖，呢個甜度我覺得啱啱好，朱古力味幾滑，oreo碎落得好多，如果有粗飲管會更好，幼管吸唔到啲oreo碎，要用羹，但呢杯真係好好飲。
新張期內特價的九份芋圓，消費滿三十蚊就可以用十蚊叫一碗啦～抵～入面有豆花，仙草，芋圓，珍珠同紅豆，十蚊黎講真係好抵食。
主食方面叫左香酥排骨米粉，即叫即炸香噴噴㗎。
排骨好鬆脆，咬落有陣九層塔味，好特別的調味，因為有脂肪位，炸起上黎超甘香，正喎。
米粉～配料有滷蛋同菜心，有條菜唔錯呀，感覺健康啲。
米粉好爽口，浸湯浸得耐都唔會淋，台灣米粉特別好食嘅。
朋友點的香酥雞扒魯肉飯，比起上黎個人覺得排骨好食過雞扒啦，可能因為豬扒肥啲，雞扒都好嫩好多汁，但味道略淡，個人較重口味，哈哈。米飯飽滿有飯香，魯肉半肥瘦，飯粒吸滿肉汁超正。
小食就揀左大腸包小腸，聽就聽得多，但一次都未食過要試下啦。
一份有兩件，share食啱啱好，外邊的糯米飯煎得好香口呀，咬落煙煙韌韌好正喎，中間的台灣腸甜甜地又係好好味，最正係上面嘅生蒜同鹹菜，加左佢地生色不少。野食幾好味，咁多野揀要試晒想食嘅都要分好多次，哈哈，下次醒目食完主食先加甜品，咁就唔使一早黎暖晒啦。
Post
