Uncle Tetsu's Cheesecake (Closed)

嚟到銅鑼灣啲內街，見到呢間賣芝士撻，應該新開冇耐，作為芝士控嘅我，點都要買隻撻嚟試下，我見佢都好新鮮，有師傅喺度現場新鮮即製即賣，有芝士蛋糕同芝士撻，不過我一個人買個撻試吓就已經好足夠，芝士蛋糕太大個，建議有4個人以上至好買嚟試。冇咩人排隊，買野嘅位置唔闊落，反而佢撥咗9成位置用作廚房。觀感都唔錯，俾人覺得係乾淨企理的。買走即刻開嚟食，熱辣辣的，外脆內軟，軟得嚟仲有啲流心，芝士味極濃，超正啊！不過食完一隻，已經好漏，要返啲茶解吓油膩至得，哈哈。