Video
Read full review
2022-08-09
4078 views
老派食店宜家一家接一間消失, 宜家重開, 所以同家人一齊試試個味道係唔係都保持到舊時嘅風味。畢業裝修有感覺到位, 但食物水平同時配得上裝修嘅唔多。今日就去試一試會否有驚喜一坐低就有醃蘿蔔同鹽水花生, 醃蘿蔔味道微酸帶甜、爽脆, 非常開胃, 鹽水花生就比較偏咸。壽眉茶都係正常作品, 唔會有雜味。我地小食都叫左好幾款, 有無錫脆鱔、老上海燻魚、油爆蝦、無錫冰豆腐、韭黃盒子、蘿蔔絲酥餅同生煎包。雖然係上海菜, 不過當中有好幾款調味都相當接近, 例如無錫脆鱔、老上海燻魚同無錫冰豆腐個汁都一樣味…., 除左係呢個問題之外, 單獨睇係好食, 特別滿意個無錫脆鱔同冰豆腐, 燻魚就比較要小心D骨, 整體脆口惹味。韭黃盒子、蘿蔔絲酥餅同生煎包呢D點心小食類都有驚喜。韭黃新鮮帶甜, 「盒子」唔會太厚, 組盒圯上嚟可以話相得益彰。蘿蔔絲酥餅擺左一陣都仲熱辣辣, 酥餅唔會糊口, 好食。當中最滿意係生煎包, 包身唔會糊口帶小麥香, 入餡夕汁又鮮美, 基本上同老雪園如出一轍, 下次再嚟都會繼續叫嚟食主菜方面, 我地特登要左一份火丁甜豆仁, 上菜見到果然係廚師將甜豆入面豆拎出嚟之後炒成一碟, 係一個要用好多時間去準
一坐低就有醃蘿蔔同鹽水花生, 醃蘿蔔味道微酸帶甜、爽脆, 非常開胃, 鹽水花生就比較偏咸。壽眉茶都係正常作品, 唔會有雜味。
我地小食都叫左好幾款, 有無錫脆鱔、老上海燻魚、油爆蝦、無錫冰豆腐、韭黃盒子、蘿蔔絲酥餅同生煎包。雖然係上海菜, 不過當中有好幾款調味都相當接近, 例如無錫脆鱔、老上海燻魚同無錫冰豆腐個汁都一樣味…., 除左係呢個問題之外, 單獨睇係好食, 特別滿意個無錫脆鱔同冰豆腐, 燻魚就比較要小心D骨, 整體脆口惹味。
韭黃盒子、蘿蔔絲酥餅同生煎包呢D點心小食類都有驚喜。韭黃新鮮帶甜, 「盒子」唔會太厚, 組盒圯上嚟可以話相得益彰。蘿蔔絲酥餅擺左一陣都仲熱辣辣, 酥餅唔會糊口, 好食。當中最滿意係生煎包, 包身唔會糊口帶小麥香, 入餡夕汁又鮮美, 基本上同老雪園如出一轍, 下次再嚟都會繼續叫嚟食
主菜方面, 我地特登要左一份火丁甜豆仁, 上菜見到果然係廚師將甜豆入面豆拎出嚟之後炒成一碟, 係一個要用好多時間去準備嘅菜式, $248絕對係工時錢。味道甜甜地又脆口, 相當唔錯。
另外韭黃炒鱔糊、糖醋排骨都處理得相當到位。鱔糊雖然比較油膩, 隔返少少油咁食就舒服少少。而韭黃相當甜香, 兩者配合起上嚟魚香+甜香可以話味蕾上完全得到滿足。糖醋排骨調味不錯, 開心係叫排骨嚟到係純肉無骨, 食落好方便
一餐最後, 又點可以無甜品呢? 我地點左高力豆沙同壽包 (睇返其實我地都食幾多野), 高力豆沙當中包住左香蕉, 豆沙又唔會太甜, 口感層次豐富, 美中不足係蛋白層硬左些少。壽包一樣都係麵包層相當出色! 鬆軟又有咬口, 豆沙餡反而有D新意, 同高力豆沙味道略有不同地多左少少陳皮香
Overall 都幾滿意, 感覺上同老雪園好似, 甚至乎係一樣。我地會再嚟!
81 views
1 likes
0 comments
Post
