秋田浜燒食堂 (Moved) New Location

無意中搵野食見到自己鐘意嘅海鮮餐，當然第一時間入去，順便可慢慢同FRIEND吹下水。我地點左個2人套餐，$398/位，未開始食時，餐廳員工攞左赤蝦過嚟，只要LIKE同SHARE秋田浜燒食堂FACEBOOK，就可以玩一手捉蝦遊戲，我用一手捉左7隻大赤蝦，其中3隻用做剌身，4隻用嚟燒，我同朋友都覺得剌身會好味D。正式介紹2人套餐，首先燻雞剌身沙律，有D似煙三文魚，加上酸酸沙律，感覺都幾開味。跟住上埋清酒煮蜆，大約有8隻，蜆都幾肥下，湯底幾鮮甜。唔記得左講，係我地食前菜期間，已有餐廳員工幫我地開始燒野食，呢個幾驚喜，本人比較懶又唔係好識點整，所以坐定定等食都幾開心。帆立貝夠大隻，厚身，加上用清酒煮，鮮味出晒，佢地剪到1粒粒，啱晒細細啖食。鮑魚勁新鮮，燒嘅時候仲郁下郁下，感覺都幾殘忍，之後剪成一片片，都幾爽口，但要加D醬汁，有D淡。燒生蠔同平時出面做法有點唔同，會用火槍燒生蠔表面，食落肉質嫩滑，鮮味濃郁。之後見到店員將鵪鶉蛋放入蟹殼內，加上蟹膏、蟹肉，撈勻放上網燒，好快甲羅燒完成，建議配餅食，口感幾幼滑，唔會腥，但個餅略略唔脆。九州松葉蟹，蟹件邊已剪開，方便拆出肉，味精鮮甜。最後配上茶漬飯同埋