泰.夯蝦 (諾士佛臺) (Closed)

流水蝦聽就聽得多 但一直都未試過 原來香港都有主打任燒曼谷正宗流水蝦既泰式燒烤專門店 岩哂我依個蝦怪🦐入場就即刻會用殺菌蒸氣熨斗機消毒 係哩段時期感覺衛生好多 加埋座位與座位之間既距離都幾足夠 都幾安心👍🏻 餐廳亦都有溫馨提示出去夾野食既時侯都要記得戴返個口罩😷 燒烤方面除左海鮮之外 仲有蔬菜 肉類款式都幾多 豬牛雞 串燒 仲有幾種口味重複性唔強😋 連泰式小食都有 蝦餅蝦片 冬陰功湯都係幾特別既選擇 燒菠蘿絕對係開胃之選 串燒雞腎幾脆口 杏鮑菇都係必燒既配菜重頭戲一定係流水蝦🦐超級生猛 係缸入面真係生蝦咁跳跳紥 好玩之處就係用大夾係缸直接夾上黎 啲蝦好活躍 記得夾實後要即刻將蝦放入冰筒內冰暈 再用較剪剪左蝦腳同蝦鬚 放上燒烤爐燒 睇住一隻隻蝦子🦐整齊排列住 由生變成橙紅色 成個過程好治癒 由於大蝦新鮮 所以只要灑上少少鹽 再烤一烤就可以帶出大頭蝦既鮮味 蝦頭飽滿多膏 令人食指大動🤤每晚餐廳都會贈送唔同既海鮮 當晚係鮑魚同宮崎和牛 鮑魚大隻新鮮 肉質爽口 和牛色澤粉嫩 滿口充斥豐腴油脂 好有驚喜😍餐廳飲品既選擇好多 平日常見既汽水自然有 仲有好多盒裝飲品同d特色既罐裝飲品 我都忍唔住試咗