波仔 (Closed)

年初一嚟個throwback~ 年近歲晚時段，即使唔係好跟傳統都可以忙忙忙，飯都未必得閒食，於是波仔就係一個好幫手。可惜平時 出入嘅地方，都冇波仔分店，於是去樂富一次過買咗兩盒飯、一包菜、一碗湯同埋一杯糖水，分別擺喺屋企同公司，隨時開餐！ 咖哩牛腩飯 日式豬扒咖哩飯 都好足料，兩隻雖然都係咖哩，不過味道的確唔一樣，咖哩牛腩飯係比較辣嘅咖哩，日式咖哩相對香啲。 雜菜包冇得頂，叮幾分鐘 之後，加入隨雜菜包附送嘅豉油，立即有菜食，絕對值得雪櫃長期備貨。羅宋湯 同埋 芝麻糊 有兩款容量，呢款細細碗，方便擺響公司做下午茶或者擺喺屋企做宵夜。