Noodies (Closed)

今日行過第三街，見門面寫住全無味精，即係對眼亮一亮，無味精喎，梗係要試一試。十二點左右到，唔使等位，直接有得入去坐。佢環境乾乾淨淨裝修到好似人哋拉麵鋪咁 ，一行行吧枱咁坐既。 入去坐低即刻睇下有menu先 , 真係全部寫住冇味精冇msg 架喎！ 正！我同朋友叫咗兩款，一款係人氣之選， 另一款係自選嘅。 人氣之選湯底係喇沙湯底 ，配料包括有手撕雞，芝士，帆立貝，麵底係烏東溝粉絲， 呢個配搭幾特別 ，仲會送埋個嘢飲 。另外佢仲可以畀你揀多蔥定少蔥，芽菜芫茜一樣可以揀。 食得少既可以揀少麵等等 。喇沙湯底一啲都唔辣，椰奶味好重，我鍾意。 另一個我哋揀咗冬陰功湯底 ，同埋馬來西亞手工麵。配料就係手撕雞，星星魚蛋同埋八爪魚餅 。我哋一樣係揀咗多蔥多芽菜多芫茜 ，同埋揀左小辣。八爪魚餅好足料，咬落去有一粒粒八爪魚，第一次食禁足料嘅八爪魚餅。冬陰功湯底好惹味， 冇味精底下個湯好好飲 ，我最後將啲湯飲曬！ 仲有嗌左碟油菜， 油菜就正正常常啦~呢度有樣幾特別，就係佢有紙圍巾提供畀客人，我哋問佢要咗兩張戴住食 ，咁就唔會將啲汁彈到成身都係啦 ，呢一點店主諗得幾細心！ 總括嚟講，價錢合理，味道好，最重要冇味