映月樓

Open Now

Now Closed

地址位於香港文化中心，如果一早知咁貴可能唔會入來食喇，不過好好彩坐到窗邊嘅位，隔離就係維多利亞港來，無敵嘅海景美不勝收吖，真係賺咗喇！燒臘三拼，望落去好長一碟吖，不過細數分量都只係麻麻喇，燒肉皮好脆，蜜汁叉燒同燒鴨都唔錯，不過可惜都唔係几幾熱，有d凍喇！叉燒包就唔同喇，熱辣辣嘅，叉燒偏甜，汁好多，趁熱食好好味！蘿蔔糕煎得香香嘅，蘿蔔好多，有些小臘肉丁，好味。荔枝肉，睇個名就知喇，肯定有荔枝，同菠蘿咕咾肉差不多味道，酸酸甜甜嘅，d肉包住荔枝同馬蹄，唔會覺得油膩哦。腸粉好大份！！好抵食，不過皮好厚吖！唔係我鐘意嘅嗰种。牛肉菜心一般，無功無過。