Video
Read full review
2018-01-17
2419 views
同友人想搵個地方吹下水慢慢食, 黎呢間食堂就岩晒食物種類包括小食, 炸物, 燒物, 主食及甜品, 仲有飲品供應, 每客份量唔大, 價錢唔貴, 咁就可以叫多幾款!先黎蟹肉沙律 ($42) - 爽脆沙律菜上舖上滿滿蟹肉, 再淋以黑醋汁, 味道醒胃又無沙律醬咁"漏", 唯蟹肉味道偏咸!蒜片一口牛粒 ($68) - 一口牛粒進食方便, 咬落去有肉汁咇出黎, 帶少少嚼勁, 配合香濃惹味燒汁, 連帶蒜片既獨有香味, 仲有菇菌作配菜, 好味喎!既然有濃味食物, 叫返碗清清地既手打湯烏冬 ($26)就岩晒啦, 烏冬口感煙韌, 湯底清甜, 簡簡單單都好味道!鹽燒鷄腎 ($38/2串) - 腎片厚返DD會多D口感, 燒完再灑上少少鹽作調味, 咸味適中!牛肉薯餅 ($38) - 呢客炸物炸至金黃色, 外脆肉軟滑, 牛肉同薯蓉既餡料, 入口熱辣辣, 點少少沙律醬真係好好味!芝麻鷄翼 ($48/3隻) - 漲卜卜鷄翼炸至金黃色, 再灑上芝麻增加香口感, 鷄翼醃得入味, 皮香肉滑, 好快已被我吃掉2隻!芝士蟹肉玉子燒 ($78) - 呢客玉子燒差唔多每枱客都會點, 玉子燒上用茄汁寫上"深宵"2個字, 果然係呢度既
食物種類包括小食, 炸物, 燒物, 主食及甜品, 仲有飲品供應, 每客份量唔大, 價錢唔貴, 咁就可以叫多幾款!
先黎蟹肉沙律 ($42) - 爽脆沙律菜上舖上滿滿蟹肉, 再淋以黑醋汁, 味道醒胃又無沙律醬咁"漏", 唯蟹肉味道偏咸!
蟹肉沙律
27 views
0 likes
0 comments
蒜片一口牛粒 ($68) - 一口牛粒進食方便, 咬落去有肉汁咇出黎, 帶少少嚼勁, 配合香濃惹味燒汁, 連帶蒜片既獨有香味, 仲有菇菌作配菜, 好味喎!
蒜片一口牛粒
28 views
0 likes
0 comments
既然有濃味食物, 叫返碗清清地既手打湯烏冬 ($26)就岩晒啦, 烏冬口感煙韌, 湯底清甜, 簡簡單單都好味道!
手打湯烏冬
14 views
0 likes
0 comments
鹽燒鷄腎 ($38/2串) - 腎片厚返DD會多D口感, 燒完再灑上少少鹽作調味, 咸味適中!
鹽燒鷄腎
17 views
0 likes
0 comments
牛肉薯餅 ($38) - 呢客炸物炸至金黃色, 外脆肉軟滑, 牛肉同薯蓉既餡料, 入口熱辣辣, 點少少沙律醬真係好好味!
牛肉薯餅
18 views
0 likes
0 comments
芝麻鷄翼 ($48/3隻) - 漲卜卜鷄翼炸至金黃色, 再灑上芝麻增加香口感, 鷄翼醃得入味, 皮香肉滑, 好快已被我吃掉2隻!
芝士蟹肉玉子燒 ($78) - 呢客玉子燒差唔多每枱客都會點, 玉子燒上用茄汁寫上"深宵"2個字, 果然係呢度既"招牌名物"! 蛋食落滑口, 食到淡淡芝士味, 再細味就有蟹肉既鮮味, 無論口感及味道都唔錯呀!
芝士蟹肉玉子燒
15 views
0 likes
0 comments
食到呢度其實都幾飽, 但眼見餐單有芝士年糕 ($36), 真係唔可以放過佢囉! 一客4件未食已見到內裏既芝士餡, 外硬內軟, 芝士既香甜軟滑感, 再一次成功俘虜我!
芝士年糕
7 views
0 likes
0 comments
呢到有電視睇, 雖然店子面積唔大, 但比人一種放輕鬆既感覺, 同友人係到傾下食下都係一個唔錯選擇!
Post
