Video
Read full review
2022-10-12
145 views
朋友擺60歲大壽，揀咗呢間位於尖沙咀嘅淥烚年代叫我哋一齊慶生。餐廳唔算好大，不過就有獨立房間，活動板可隨意調校，一圍定三圍都冇問題。調味盤都擺放得相當精緻，仲有齊生熟蒜、芹菜、芫荽、蔥、薑蓉、紅椒、洋蔥、芝麻等，夠晒繽紛。年紀大咗要養生，揀咗個好正嘅鹿茸菌燉花膠湯，湯水清得嚟又夠滋潤，我哋連湯渣都食埋，一啲都唔嘥。近乎飲到落煲底之後，就另外加湯開始打邊爐。打邊爐梗係要食牛，我哋揀咗牛頸脊，口感一流，而且佈滿雪花，雖然只係屬於細份，但份量一啲都唔少，我哋四個人食都夠晒數。自家製嘅肉丸可以雙拼，拼寶丸我哋就分別揀咗黑松露豬肉丸同埋柚子墨魚丸。柚子墨魚丸上面鋪有蟹籽，雖然肉眼見唔到柚子，但咬落彈牙之餘亦有陣陣嘅柚子香。黑松露豬肉丸入面係包心嘅黑松露醬，放入口入面之後整個口腔都充滿着黑松露嘅香味。另外我哋仲叫咗好多款其他配料，枱上嘅拱形架慳位得嚟賣相仲好精緻，搞到我都想喺屋企整返個。活海蝦總共有六隻，每隻海蝦都好新鮮，肉質爽脆，一隻隻串好之後方便進食。牛柏葉非常爽口，而且切得相當工整。我就最鍾意食水魷魚，水魷魚應該本身相當大隻，所以切起一片片都好大片，另外仲有魷魚鬚，最鍾意食咁爽口嘅水魷魚。朋
餐廳唔算好大，不過就有獨立房間，活動板可隨意調校，一圍定三圍都冇問題。
調味盤都擺放得相當精緻，仲有齊生熟蒜、芹菜、芫荽、蔥、薑蓉、紅椒、洋蔥、芝麻等，夠晒繽紛。
年紀大咗要養生，揀咗個好正嘅鹿茸菌燉花膠湯，湯水清得嚟又夠滋潤，我哋連湯渣都食埋，一啲都唔嘥。近乎飲到落煲底之後，就另外加湯開始打邊爐。
鹿茸菌燉花膠湯
$188
6 views
0 likes
0 comments
牛頸脊
$258
10 views
0 likes
0 comments
柚子墨魚丸上面鋪有蟹籽，雖然肉眼見唔到柚子，但咬落彈牙之餘亦有陣陣嘅柚子香。
柚子墨魚丸
3 views
0 likes
0 comments
另外我哋仲叫咗好多款其他配料，枱上嘅拱形架慳位得嚟賣相仲好精緻，搞到我都想喺屋企整返個。
活海蝦總共有六隻，每隻海蝦都好新鮮，肉質爽脆，一隻隻串好之後方便進食。
牛柏葉非常爽口，而且切得相當工整。
我就最鍾意食水魷魚，水魷魚應該本身相當大隻，所以切起一片片都好大片，另外仲有魷魚鬚，最鍾意食咁爽口嘅水魷魚。
朋友介紹食豬肚，起初我都覺得麻麻地有啲重口味，不過食落又唔錯，而且用嚟煲下個湯底都相當鮮味。
朋友話60歲之後要食多啲蔬菜，所以就叫咗萵筍片，蔬菜都好新鮮，睇落非常翠綠，而且大細適中，朔晒湯底仲好食。
身為村姑當然會鍾意食鮮冬菇，估唔到份量相當多，印象之中應該有7-8隻，冬菇非常厚身又夠香。
蓮藕片同樣新鮮又爽脆，而且仲帶有蓮藕嘅香同埋甜味。
呢度嘅環境同服務都好好，我一定會再嚟幫襯，一於食到我60歲。
Post
