Yukkuri

Open Now

Now Closed

之前經過 ❥⧽𝐘𝐮𝐤𝐤𝐮𝐫𝐢 ❥⧽ 2 次都因為無訂位所以食唔到, 今次乖乖訂位非食不可。一拉開木門猶如進入另一時空, 店舖充滿日式古典風, 擺賣著不同小物, 看著看著步伐也會慢下來。等咗一陣就可以入去坐低, 整個環境都好舒適, 光線柔和, 枱與枱之間嘅距離令大家都可以擁有小小嘅私人空間。𓊈前菜 ✧ 大根之煮物 ✧ 醬油脆心糖心蛋 ✧ 鹽糀豆腐漬 ✧ 海苔櫻花蝦薯仔沙律𓊉本身好喜歡食糖心蛋, 所以偏心地覺得好好食。大根好入味軟腍。薯仔沙律略嫌有少少鹹。𓊈慢煮香草檸檬三文魚配蕎麥麵𓊉擺盤好靚呀, 三文魚鮮嫩肥美, 蕎麥麵面層舖上櫻花蝦, 不過味道偏清淡。𓊈花椰菜白味噌湯配野菜餃子𓊉將湯打成泡沫好特別, 花椰菜味好突出, 不過野菜餃子有少少黐埋一齊。而最可惜嘅係份量比較細份...𓊈是日甜品 ✧ 檸檬 madeleine𓊉淡淡檸檬香, 味道唔會太甜。𓊈濃厚抹茶牛奶𓊉心心拉花好靚, 抹茶味濃。✧✧ 整體食物份量比較細所以價錢顯得有少少貴, 不過店員好有禮貌, 環境亦令人放鬆舒適, 值得一去。