御來光茶社 (Closed)

唔知大家知唔知土瓜灣啟岸呢條巷，成日都會有燈籠佈置好似置身於日式嘅街道🏮入面仲有唔同嘅餐廳，今次我就試咗呢間用富士山來做主題的精緻小cafe食甜品🥳🍫三重朱古力蛋糕食落去超濃烈朱古力味，味道似金莎，最底層係會有朱古力脆脆，唔太甜，勁推薦呢一個。🍰柚子芝士蛋糕清清淡淡嘅柚子香味夾雜口感細滑嘅芝士蛋糕。🧋炭焙烏龍珍珠鮮奶茶好香嘅烏龍茶味，自己係比較鍾意飲茶味較重嘅珍珠奶茶，所以我係幾鍾意呢個。反而奶會比較少，珍珠都好彈牙size OK。☕️黑糖珍珠鮮奶咖啡朋友反映呢個咖啡好飲，甜甜地因為加咗黑糖，所以咖啡味反而冇咁濃。