Video
Read full review
2024-10-12
248 views
有朋友介紹我哋去稻田食堂去食美味嘅日式料理，入到這間日式食堂，裝修得好有日式食堂嘅風味，牆上擺放好多舊日本卡通片嘅靚相，睇到都令人開心，枱凳都整齊，亦令人坐得舒服，見到餐廳生意都唔錯，有唔少顧客來光顧， 加上不斷有外賣員工來接食品， 相信真係一間值得推介俾大家嘅餐廳。店員任我哋去選位坐，跟住放低咗兩杯香熱嘅玄米茶，再畀咗張 QR code 紙來落餐，電子餐牌上有哂食物嘅照片，睇落都非常吸引，仲有食品分門別類，真係清楚簡單一目了然。餐廳餐牌有好多食物選擇，有創意壽司拼盤、刺身系列、壽司系列、田園系列、特色卷物、灸燒壽司、刺身丼、一品料理、刺身丼定食、稻庭烏冬系列、山形壽司、特選刺身、厚之刺身、特色卷物、海鮮系列、滋味系列、冷盤、便當、精選特飲，真係好多食物嘅款式，款款都吸引，我哋選咗便當嘅鹿屋便當配咖哩飯，稻庭烏冬系列嘅七味燒豬頸肉蕃茄濃湯稻庭烏冬及創意壽司拼盤嘅吹波波漲壽司。鹿屋便當配咖哩飯鹿屋便當有鹽燒鯖花魚、七味燒豬頸肉、剌身嘅三文魚、帶子、有頭甜蝦、味付螺肉、咖喱飯，鹽燒鯖花魚同豬頸肉都燒得香脆肉嫩，燒烤得在味道層次上可以更加豐富更加好味，而咖哩飯份量不少，咖哩飯係配日式咖哩醬，
餐廳餐牌有好多食物選擇，有創意壽司拼盤、刺身系列、壽司系列、田園系列、特色卷物、灸燒壽司、刺身丼、一品料理、刺身丼定食、稻庭烏冬系列、山形壽司、特選刺身、厚之刺身、特色卷物、海鮮系列、滋味系列、冷盤、便當、精選特飲，真係好多食物嘅款式，款款都吸引，我哋選咗便當嘅鹿屋便當配咖哩飯，稻庭烏冬系列嘅七味燒豬頸肉蕃茄濃湯稻庭烏冬及創意壽司拼盤嘅吹波波漲壽司。
鹿屋便當配咖哩飯
鹿屋便當有鹽燒鯖花魚、七味燒豬頸肉、剌身嘅三文魚、帶子、有頭甜蝦、味付螺肉、咖喱飯，鹽燒鯖花魚同豬頸肉都燒得香脆肉嫩，燒烤得在味道層次上可以更加豐富更加好味，而咖哩飯份量不少，咖哩飯係配日式咖哩醬，咖哩濃郁醇厚，飯粒也恰到好處，味付螺肉肉質好彈牙好惹味，好配合同咖喱飯一齊食，加上三種五件刺身配搭，樣樣都新鮮可口，一次滿足哂不同類型嘅日式風味美食。
七味燒豬頸肉蕃茄濃湯稻庭烏冬
稻庭烏冬煙韌彈牙的口感，湯底濃郁香醇，好鮮甜，令口感順滑，亦充滿了蕃茄的酸甜味，越飲越開胃，豬頸肉脆嫩可口，香味好食，配合埋香蔥、粟米粒、海帶、溫泉蛋一齊食，真係唔錯好好食。
吹波波漲壽司
吹波波漲壽司係手鞠壽司拼盤，是日本女兒節的一種傳統料理，圓圓的外型，像日本女孩傳統玩具鞠球，有圓圓滿滿嘅意思。吹波波漲壽司有六件，有櫻花魚鬆三文魚、黑松露吞拿魚、海膽、三文魚籽、蟹籽鮮帶子、蟹膏蟹棒，六件壽司都係圓圓外型，件件都整得好靚，好適合打卡，樣樣海鮮都新鮮美味，更有濃郁味道，米飯的質感和味道都好配合做壽司，真係感覺在日本食壽司一樣。
這間日式食堂真係好值得推薦俾大家，食物質素好，好食價錢又唔貴，食物款式非常多，店員服務態度又好，我哋下次都會再來食其他食品。
Post
