麺屋こころ (軒尼詩道)

Open Now

Now Closed

茶餐廳嘅撈麵就食得多，但日式嘅撈麵就真係未試過。近排有全港第一間日式撈麵，小編知道後立刻去試試。📌明太子忌廉撈麵明太子係主角，份量都唔少，冇腥味，加上用辣椒粉做調味，令明太子味道香味更突出。除咗明太子，其他材料亦都好豐富，有豬肉、有半生熟雞蛋、有蒽，用上忌廉醬汁又覺得絕配，而撈麵本身係粗少少，但食落又剛好，亦好彈牙，讚。📌柚子鹽味撈麵話這個撈麵嘅主角係柚子鹽不為過，一定唔會係其他地方試到衣個味道，係有濃烈嘅柚子香味嘅鹽，比一般鹽更清新更香，用嚟做撈麵更係滋味，絕對要推薦。配料有雞肉，雞肉肉質嫩滑，亦帶有柚子鹽味，非常可口，搭配嘅竹荀亦好爽口清新又有咬口，整體好出色。