十八夢

銅鑼灣有間叫十八夢既日式餐廳，呢度裝修好有枱調情調之餘，食物都好靚好好食！松葉蟹肉水菜米紙卷🫔米紙卷唔係件件一樣，有啲有七彩脆脆，有啲有水菜，但件件都有滿滿蟹肉，可以點埋芥末醬食，更加香口，就咁食就好fresh，好好味！鮟鱇魚肝🐟魚肝擺得好靚，有鮮花伴住，又有啲菊花碎，好似盆栽咁，魚肝用牛奶浸過，更加滑嫩，魚味好濃，唔會太腥，用柚子伴住黎食幾清新添！法國藍腳雞卷配忌廉芝士惹菌卷😽一上碟就被佢既外表吸引，雞卷整得好靚，完全無散開，伴碟既脆片再點綴佐成碟菜式。作為手工菜既雞卷外皮炸到香脆，入面包住粉嫩軟腍既雞肉同埋香濃既忌廉芝士雜菌，味道好夾，口感好好，完全唔會覺得油膩飽滯！