好一鍋海鮮火鍋專門店 (Closed)

近年火鍋很普及，一年四季想食火鍋绝無難度。年近聖誕，老細見大家工作辛苦就提議去食火鍋，由佢埋单，當然佢有心，但成team有十幾人，大家為着不想老细荷包大出血，就決定去九龍倫敦廣場八字樓的好一鍋海鮮火鍋專門店歎自助火鍋，貪佢價錢大衆化兼任飲任食，入座時段分為5pm-7pm,任何2小時30分時段和9pm後入座時段，成人由$138至$158-,小童由$$78至$88，全部湯底免費供應，仲有韓式yogurt自助機，三款雪糕配料任配襯。當然以地方枱椅擺位來說就顯得畧為躋迫，而且部份枱面面積比較小巧，以舒適度來說就明顯不足。食品除三文魚，美國桶蠔，桂蟒，安格斯肥牛粒和極品肥牛要收費外，其他數十款火鍋食材，蔬菜，粉麵和啤酒汽水等全是任點任食，並有多款醬料作調味。其實以任食時間計有2小時30分鐘的食用時間是絕對足夠慢慢歎，歎完火鍋當然唔好俾佢停，繼續狂擦韓式yogurt,一熱一冷，食完之後就當平衡腸胃，最緊要食得開心嘛。