自家烏冬 (Closed)

有D地方唔知點解開一間死一間，但有D餐廳就响邊處開都咁掂，之前荃灣綠楊坊二樓有好幾間餐廳都做唔住，但自家烏冬一開就排長龍，唔通真係名牌唔同D……又係連鎖日本食店，應該無驚喜，門口都幾得意，有個靚姐响到表演用機器制烏冬，但俾我情願睇人表演拉面講到食物，個人對日本咖哩情有獨鍾，叫左個咖哩豬扒烏冬，豬扒炸得唔錯，脆脆地好有口感，肉汁都保留得倒，咖哩配烏冬本來無寄望，點知入口又好似幾好食，微甜唔辣，香味十足，但買相只係一般虎蝦天婦羅烏冬，無湯浸住，只係得醬汁另到烏冬特別煙煙韌韌，好味，虎蝦太多粉，麻麻地，主角反而係D芋頭、紅蘿蔔同埋番薯，好甜好好味環境潔淨，員工有禮，不過可能太年輕唔係好主動加茶同收碟，但價錢非常合理，下次會再食