鮨政

Open Now

Now Closed

位於上環既鮨政由日本師傅主理，開放式counter座位可以讓客人一邊欣賞師傅刀工，一邊享受壽司鮮味🍣 今次初訪見到做緊不同優惠，除左指定款式日本酒買一送一，follow店家IG仲可以免費享有朱古力泡芙一客🤩🔸鰤魚刺身首先最吸引目光嘅一定係期間限定寒鰤魚祭menu✨寒鰤魚每年12月至1月最當造，呢個餐牌上有壽司、刺身及carpaccio等一應俱全，可以全方位品嚐肥美鮮味！鰤魚刺身一客有四塊，厚切大塊提升口感，肉質柔軟而脂肪比例剛好，鮮味十足🤤🔸鰤魚壽司三味刺身可以試到食材本身鮮味，壽司三味就係師傅創作既變奏版，一樣咁好味！用上明太子、柚子胡椒調味，亦用上火炙等方法處理，配搭新穎但唔會蓋過寒鰤魚鮮甜🥰🔸真鯛魚頭麵豉湯另一款期間限定菜式，用上整顆真鯛魚頭煮既麵豉湯鮮甜入味，魚肉煮至柔軟，暖胃又飽肚🔸壽司單點幾款壽司，其中海膽同北海道產帶子鮮味濃郁，三文魚腩同油甘魚就帶肥美脂香，香蔥吞拿魚腩軍艦及火炙鰻魚都係大件又好味，性價比好高！🔸炸日本廣島生蠔用上來自鹿児島既生蠔，表面炸至金黃但裡面保持juicy，配上他他醬及中濃醬汁超級惹味